Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

30-
модда.
 
Жиноят содир этишга суиқасд қилиш
Қасддан содир этиладиган жиноят бошланиб, шахсга боғлиқ бўлмаган ҳолатларга кўра 
охирига етказилмаган бўлса, жиноят содир этишга суиқасд деб топилади.
Жиноят содир этишга суиқасд қилганлик учун жавобгарлик ҳам ушбу Кодекс Махсус 
қисмининг тамом бўлган жиноят учун жавобгарликни белгиловчи моддасига мувофиқ ушбу 
моддага ҳавола қилинган ҳолда ҳал қилинади. Мазкур Кодекс Махсус қисмида назарда тутилган 
жиноят содир этишга суиқасд қилганлик учун алоҳида жиноят таркибида назарда тутилган 
ҳолатлар бундан мустасно.
31-
модда.
 
Жиноят содир этишдан
 
ихтиёрий қайтиш

---

Шахс жиноятга тайёргарлик кўриш ҳаракатларини ёки жиноят содир этишга бевосита 
қаратилган ҳаракатларни охирига етказиш мумкинлигини англаган ҳолда тўхтатса, шунингдек 
жиноий оқибат келиб чиқиши мумкинлигини англаган ҳолда, шундай оқибат келиб 
чиқишининг олдини олса, жиноят содир этишдан ихтиёрий қайтиш деб топилади.
Жиноят содир этишдан ихтиёрий қайтиш жавобгарликни истисно қилади.
Жиноятни охирига етказишдан ихтиёрий қайтган шахс, агар амалда содир этган 
қилмишида бошқа жиноят таркибининг барча аломатлари бўлса, ушбу Кодекс бўйича 
жавобгарликка тортилади.
Иштирокчиликда содир этиладиган жиноятда бажарувчининг жиноят содир этишдан 
ихтиёрий қайтиши қолган иштирокчиларнинг ҳаракатларини жиноятга тайёргарлик кўриш 
ёки суиқасд қилиш деб баҳолаш учун асос бўлади ва тегишли жавобгарликни келтириб 
чиқаради.
Ташкилотчи, далолатчи ёки ёрдамчи жиноятдан ихтиёрий равишда қайтиб, жиноятнинг 
олдини олиш учун ўзига боғлиқ бўлган барча чораларни ўз вақтида кўрганлиги натижасида 
жиноят содир этилмаган бўлса, жиноятда иштирокчилик учун жавобгарликни истисно қилади.