Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

XVII боб.
 
Одил судловга қарши жиноятлар
299-
модда.
 
Айбсизлиги аён бўлган шахсни айбланувчи тариқасида жалб этиш
Суриштирувчи,
терговчи
ёки
прокурор
томонидан айбсизлиги аён бўлган шахсни 
ижтимоий хавфли қилмишни содир этганликда айблаб қасддан айбланувчи тариқасида ишга 
жалб этиш —
икки йилдан беш йилгача озодликни чеклаш ёхуд уч йилдан беш йилгача озодликдан 
маҳрум қилиш билан жазоланади.
Ўша ҳаракат:
1) оғир ёки ўта оғир жиноятни содир этганликда айблаб содир этилса;
2) одам ўлишига ёки бошқача оғир оқибатларга сабаб бўлса, –
беш йилдан саккиз йилгача озодликдан маҳрум қилиш билан жазоланади.
300-
модда.
 
Далилларни сохталаштириш (қалбакилаштириш)
Терговга қадар текширув органлари, шунингдек, исботлашни амалга ошираётган 
шахслар ёки исботлашда иштирок этиш учун жалб қилинаётган шахслар томонидан 
далилларнинг терговга қадар текширув ва жиноят ишлари материаллари бўйича далилларни 
тўплаш, текшириш ва баҳолаш чоғида тамагирлик ёки бошқа паст ниятларда ҳужжатларга ёхуд 
ашёларга била туриб ёлғон маълумотларни киритишда ва ўзга бузиб кўрсатишларда намоён 
бўладиган сохталаштирилиши (қалбакилаштирилиши), шунингдек, далилларнинг йўқ 
қилиниши —
базавий ҳисоблаш миқдорининг уч юз бараваридан тўрт юз бараваригача жарима ёки уч 
йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш 
билан жазоланади.
Ўша ҳаракатлар:

---

1) бир гуруҳ шахслар томонидан олдиндан тил бириктириб содир этилган бўлса;
2) шахсни ушлаб туришга, қамоққа олишга, жиноий жавобгарликка тортишга ёки 
жиноий жавобгарликдан озод этишга, ҳукм қилишга ёхуд оқлашга сабаб бўлса, —
беш йилдан етти йилгача озодликдан маҳрум қилиш билан жазоланади.
Оғир ёки ўта оғир жиноят тўғрисидаги жиноят иши бўйича далилларни сохталаштириш 
(қалбакилаштириш), далилларни йўқ қилиш, худди шунингдек далилларни сохталаштириш 
(қалбакилаштириш), далилларни йўқ қилиш оғир оқибатларга олиб келган бўлса, —
етти йилдан ўн йилгача озодликдан маҳрум қилиш билан жазоланади.