Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

287-
модда.
 
Озодликдан маҳрум қилиш жазосини ижро этиш муассасаларининг 
ишини издан чиқарувчи ҳаракатлар
Озодликдан маҳрум қилиш жазосини ўтаётган шахснинг маҳкумларни террор қилиш 
ёки
маъмурият
вакилларига ҳужум қилишда, шунингдек, бундай мақсадларда жиноий гуруҳлар 
ташкил қилиш ёки шундай гуруҳлар фаолиятида фаол қатнашишда ифодаланадиган 
озодликдан маҳрум қилиш жазосини ижро этиш муассасасининг ишини издан чиқарувчи 
ҳаракатлари —
уч йилдан беш йилгача озодликдан маҳрум қилиш билан жазоланади.
Ўша ҳаракатлар:
1) ўта хавфли рецидивист;
2) оғир ёки ўта оғир жинояти учун ҳукм этилган шахс;
3) бир гуруҳ шахслар томонидан содир этилган бўлса, —
беш йилдан ўн йилгача озодликдан маҳрум қилиш билан жазоланади.
288-
модда.
 
Қамоқдан ёки қўриқлов остидаги сақлаш жойидан қочиш
Ушлаб турилган ёки қамоққа олиш тарзидаги эҳтиёт чораси қўлланилган шахснинг ёхуд 
озодликдан маҳрум қилиш жазосини ўтаётган маҳкумнинг қўриқлов остидаги сақлаш жойидан 
ёки жазони ижро этиш муассасаларидан қочиши, 
-
уч йилдан беш йилгача озодликдан маҳрум қилиш билан жазоланади.
Қочиш:
1) соғлиққа ўртача оғир ёки оғир зиён етказган ҳолда;
2) ўта хавфли
рецидивист томонидан;
3) бир гуруҳ шахслар томонидан содир этилган бўлса —
беш йилдан саккиз йилгача озодликдан маҳрум қилиш билан жазоланади.
289-
модда.
 
Қонунга хилоф равишда чет элга чиқиш ёки Ўзбекистон Республикасига 
кириш
Белгиланган тартибни бузиб чет элга чиқиш ёки Ўзбекистон Республикасига кириш ёхуд 
чегарадан ўтиш —
базавий ҳисоблаш миқдорининг икки юз бараваридан тўрт юз бараваригача жарима ёки 
уч йилдан беш йилгача озодликни чеклаш ёхуд уч йилдан беш йилгача озодликдан маҳрум 
қилиш билан жазоланади.
Ўша ҳаракатлар:
1) чегарани ёриб ўтиш йўли билан;
2) бир гуруҳ шахслар томонидан олдиндан тил бириктириб;
3) чет элга чиқиши учун махсус келишув талаб қилинадиган мансабдор шахс томонидан;
4) Ўзбекистон Республикасига кириш ҳуқуқи белгиланган тартибда чекланган шахс 
томонидан содир этилган бўлса.
беш йилдан ўн йилгача муддатга озодликдан маҳрум қилиш билан жазоланади.
Ўзбекистон 
Республикасининг 
Конституциясида 
назарда 
тутилган 
сиёсий
бошпана
ҳуқуқидан фойдаланиш учун кириш ҳужжатларини тегишли даражада 
расмийлаштирмасдан Ўзбекистон Республикасига келган чет эл фуқаролари ва фуқаролиги 
бўлмаган шахслар жавобгарликдан озод қилинадилар.