Klinik laboraтoriya тekshirish usullari

3.5.3. Siydik mikroskopiyasida topilgan elementlar identifikatsiyasi
Bakteriyalar:
— odatda, tayoqchalar;
— ba’zan kokklar yoki streptokokklar;
— siydik namunasiga aralashgan yiring.
Yangi siydikda bakteriyalarning bo‘lishi siydik yo‘llari infeksiyasi
borligini ko‘rsatadi.
Achitqilar:
— rangsiz, mayda, dumaloq yoki tuxumsimon shaklda;
— bo‘linish jarayonida bo‘lishi mumkin;
— eritrotsitlar bilan adashtirmaslik kerak.
Siydikda achitqilar bo‘lishi ayollarda kandidoz, qandli diabet
bo‘lishi mumkinligini ko‘rsatadi.
Eritrotsitlar:
— sarg‘ish-och yashil tusli mayda disklar;
— chetlari birmuncha to‘qroq;
— chetlari ba’zan tikanli bo‘lib ko‘rinadi.
Bir talay eritrotsitlar bo‘lishi bakterial infeksiya, buyrak o‘s-
masi, buyrak toshlari, endokardit, prostata bezi kasalligi, qon
ivituvchi sistemasi kasalligi borligini ko‘rsatadi.
Leykotsitlar:
— donador disklar, ba’zan yadrosi ko‘rinib turadi;
— yemirilgan: shakli o‘zgargan, burishgan hujayralar;
— yemirilib, to‘p-to‘p bo‘lib turgan hujayralar ko‘rinishidagi
yiring.
Leykotsitlarning ko‘p bo‘lishi siydik yo‘llari infeksiyasi,
piyelonefrit, buyrak sili borligini ko‘rsatadi.
Ko‘chib tushgan yassi epiteliy (rangli rasmga qarang):
— noto‘g‘ri shaklli yirik hujayralar;
— tiniq granulalar;
— odatda, yadrosi ko‘rinadi.
Epitelial hujayralar bo‘lishi, odatda, siydikni yig‘ish qoidalariga
rioya qilinmaganini, siydik yo‘llari infeksiyasi borligini ko‘rsatadi.

---

46
Buyrak hujayralari:
— eng mayda epitelial hujayralar;
— leykotsitlardan taxminan ikki baravar katta;
— donador yadrosi bilinib turadi.
Buyrak hujayralari bo‘lishi nefrit, nekrotik sindrom, o‘tkir
buyrak yetishmovchiligi borligini ko‘rsatadi.
Sodda jonivorlar:
— kattaligi leykotsitdek, to‘rtta xivchini bor;
— hujayraning xivchinli uchidagi yadrosi ko‘zga o‘xshaydi;
— yangi siydikda tartibsiz ravishda tez harakatlanadi.
Siydikda sodda jonivorlar bo‘lishi ayollarda vaginitlarga sabab
bo‘ladigan Т. vaginalis borligini ko‘rsatadi.
Spermatozoidlar erkak kishidan olingan siydikda bo‘lishi
mumkin: 
— boshchasi dumaloq yoki tuxumsimon, uzun xivchini bo‘ladi;
— juda yangi siydikda harakatchan bo‘lishi mumkin.
Siydikda spermatozoidlarning bo‘lishi siydikni yig‘ish qoidalariga
rioya qilinmaganini ko‘rsatadi.