Klinik dietologiya va nutrisiologiya

Maktab yoshidagi bolalarni ovqatlanishi 
Maktab  yoshidagi  bolalarni  ratsional  ovqatlanishi,  ularni  xar  tomonlama 
rivojlanishini etakchi shartlaridan biridir. Maktab davri 7 - 17 yoshni qamrab oladi, 
va  tezkor  o‘sish,  mushak  va  suyaklarni  kattalashishi,  moddalar  almashinuvini 
kuchayishi  kuzatiladi,  endokrin,  yurak  qon  -  tomir,  bosh  miya  ishlari  faollashadi. 
Aynan  shu  davrda  odam  organizmini to‘liq  etilishi  va  shakllanishi kuzatiladi.  Bu 
murakkab  jarayonlarni  ta’minlash  uchun,  maktab  yoshidagi  bola  tarkibi  etarli 
darajada oqsil, uglevod,  mineral  moddalar va vitaminlarga boy to‘laqonli biologik 
mahsulotlar  qabul  qilishi  kerak.  Ayniqsa,  o‘sib  kelayotgan  organizmga  oqsilni 
ratsionga etarli darajada ko‘shilishi juda muhim. Uning umumiy hajmini 50 – 60 % 
yuklama va hayot sharoitlariga mos ravishda hayvonlar oqsili tashkil qilishi lozim. 
Oqsil etishmovchiligida bolalarda bosh miya faoliyati buzilishi kuzatiladi. Ular tez 
charchaydi, ish qobiliyati, darslarni o‘zlashtirishi pasayadi. Shuning uchun maktab 
yoshidagi bolalar ovqatlanishida asosiy masalliqlar oqsilga boy mahsulotlar bo‘lishi 
kerak. Ularga tuxum, go‘sht, baliq, yong‘oqlar va grechka kiradi. Kundalik maktab 
taomnomasida  sut,  sutli  mahsulotlar  (tvorog,  yogurt),  tuxum,  go‘shtli,  baliqli 
mahsulotlar  bo‘lishi  zarur.  Sutli  mahsulotlar  mineral  moddalar,  vitaminlar  va 
oqsilning asosiy manbaidir. Bundan tashqari ular ovqat hazm bo‘lishiga ijobiy ta’sir 
ko‘rsatadi.  Shuningdek,  ratsionda  albatta  quruq  mevalar  bo‘lishi  shart.  Kundalik 
taom  iste’mol  qilganda  jaydari  nondan  foydalangan  maqul.  Chunki  unda  oqiga 
qaraganda  temir  30  %  ortiq,  kaliy  ikki  magniy  uch  karra  ko‘p.  Sabzavotlar 
mikroelement  va  vitaminlar  manbai  hisoblanadi  va  shuning  uchun  bola  ovqat 
ratsionining  50  %  yangi  sabzavot  va  mevalardan  iborat  bo‘lishi  zarur.  A’loxida 
etiborni to‘laqonli  nonushtaga qaratish  lozim. Ertalab bola organizmi odatda ko‘p 
energiya  sarflaydi,  shuning  uchun  nonushta  etarli  darajada  ovqat  moddalari  va 
quvvatga ega bo‘lishi kerak.