Klinik anatomiya, II jild. Qorin parda va hosilalari. Gulmanov Ilich Djumabaevich

Klinik anatomiya, II jild. Qorin parda va hosilalari. Gulmanov Ilich Djumabaevich 

 

2 

 

uning  ortiqlari  qoplamasini  hosil  qiladi.  Ayollarda  qorin  parda  to‘g‘ri  ichakni 

oldingi va yon tomonlardan qoplab, qinning yuqori qismi va bachadonga o‘tadi, 

bu  yerda u  to‘g‘ri  ichak  bilan bachadon orasidagi  chuqurchani  – orqa  Duglas 

bo‘shlig‘ini hosil qiladi. 

Bachadondan  qovuqqa  o‘tishda  qorin  parda  yana  bir  cho‘ntak,  oldingi 

Duglas  bo‘shlig‘ini  hosil  qiladi.  So‘ngra  yana  yuqoriga  ko‘tarilib,  qorinning 

oldingi-ichki devorini qoplaydi. 

 

Qorin parda bo‘shlig‘i. 

Qorin  bo‘shlig‘i  ichki  a’zolarining  topografiyasini  o‘rganishda  qulaylik 

tug‘dirish  maqsadida  hamda  yiringli  jarayonlarning  joylashuvidagi  o‘ziga  xos 

xususiyatlarni  va  ularning  tarqalish  yo‘llarini  tavsiflash  uchun  qorin  parda 

bo‘shlig‘ini  ikkita:  yuqorigi  va  pastki  qavatlarga  ajratish  qabul  qilingan.  Bu 

ikkala  qavat  orasidagi  chegarani  (to‘siqni)  ko‘ndalang  chambar  ichak  va 

uning tutqichi (mesocolon transversum) hosil qiladi.