Klassik universitet darsligi o'zbekiston Milliy universitetining 100 yilligiga bag’ishlanadi

3.2. Birlamchi ma’lumotlarni boshlang‘ich qayta ishlash  
 
Mo‘ljallanilishi
.  Geoaxborot  tizimlari  ma’lumotlari  ko‘pligi  turli 
xildagi  texnik  vositalar,  turli  xil  texnologiyalar  yordamida  va  turli  xil 
sharoitlarda  yig‘iladi.  Bu  ma’lumotlar  turli  xil  tavsiflar  va  xossalarni 
ifodalaydi.  Bu  ma’lumotlar  turli  xil  o‘lchamga  ega  bo‘lib,  mazmunni 
ifodalovchi  raqamlar  son  miqdori  turli  xilda  bo‘lishi  va  Shuningdek, 
aniqlik  darajasi  va  boshqa  jihatlari  turli  xil  qiymatlarga  ega  bo‘lishi 
mumkin. Turli xildagi ma’lumotlar va modellarni birgalikda qayta ishlash 
uchun birlamchi tartibga tushirilishi va yagona ma’lumotlar tizimi sifatida 
qabul qilinuvchi shaklga keltirilishi talab qilinadi.  
Darajasiga  ko‘ra  yoki  tizim  talablariga  mosligiga  bog‘liq  holatda, 
har bir turdagi ma’lumotlar qayta ishlash jarayonida bitta yoki bir nechta 
bosqichda  ishlar  bajarilishini  talab  qiladi  yoki  alohida  qayta  ishlashni 
talab qilmasligi ham mumkin.  
Boshlang‘ich ma’lumotlarni dastlabki qayta ishlashda nisbatan ko‘p 
qo‘llaniluvchi  ishlar  ketma-ketligi  quyidagilardan  tashkil  topadi: 
birlamchi  qayta  ishlash,  geografik  ob’ektlarning  joylashtirilishi, 
raqamlashtirish,  ma’lumotlarni  transformatsiyalash,  ma’lumotlarni 
konvertatsiyalash,  yagona  tavsifga  keltirish  (unifikatsiyalash),  tasniflash 
(klassifikatsiyalash),  identifikatsiyalash,  stratifikatsiyalash  va  boshqa 
ishlar amalga oshiriladi.