Klassik universitet darsligi o'zbekiston Milliy universitetining 100 yilligiga bag’ishlanadi

GRID  ifodalash 
-  bu  yuzalarni  tavsiflashning  nisbatan  keng 
ommalashgan  uslubi  hisoblanadi.  Bunda  ifodalash  uslubi  muntazam 
uzluksizlikdagi yacheykalar (katakchalar) to‘riga asoslanadi, to‘r tugunlari 
sohasida  maydon  qiymatlari  (yuza  balandliklari)  beriladi.  Amaliyotda 
kvadrat yoki to‘g‘ri burchakli yacheykalar to‘ridan foydalaniladi. Bu holat 
ushbu  ko‘rinishdagi  ma’lumotlar  ustida  operatsiyalarni  bajarish  uchun 
matematik  apparatning  nisbatan  oddiyligi  bilan  belgilanadi.  Ingliz  tilida 
uzluksizlikdagi to‘g‘ri to‘rtburchaklardan tashkil topgan to‘r  - GRID deb 
nomlanadi va shu sababli, relefni ifodalashning ushbu uslubi - «
grid
» deb 
nomlanadi.  Yuzani  ifodalashning  GRID  uslubi  o‘z  mazmun-mohiyatiga 
ko‘ra,  rastrga  oid  yondoshuv  hisoblanadi.  Uning  aniqlik  darajasi  rastr 
yacheykalarining o‘lchamlariga bog‘liq hisoblanadi. O‘lchamlar qiymatini 
kamaytirish  orqali,  biz  yuzaning  nisbatan  aniqroq  tavsiflanishiga  yanada 
yaqinlashamiz.  Biroq,  to‘r  qadamlarining  2  martaga  kamaytirilishida, 
tugunlarning  son  miqdori  4  martaga  ortadi,  ya’ni  hajm  ortadi  va  o‘z 
navbatida  saqlash  uchun  talab  qilinuvchi  xotira  hajmi  kattalashadi. 
To‘rning tugunlari oralig‘idagi daraja qiymatini hisoblash uslubi bo‘yicha 
panjarali  va  yacheykali  (katakchali)  to‘rlar  o‘zaro  farqlanadi.  Panjarali 
to‘r  holatida  bu  qiymatlar  o‘zaro  qo‘shni  holatda  joylashgan  nuqtalar 
balandliklari  qiymatlari  bo‘yicha  izohlanadi,  ikkinchi  holatdagi  model 
qarab  chiqilayotganda  esa  -  nuqta  doimiy 
z
  qiymat  bilan  ifodalanuvchi, 
yacheykaning  markaz  sifatida  ifodalanadi.  Panjarali  tavsifga  ega 
modelning  aniqlik  darajasi  yacheykali  modelga  nisbatan  yuqoriligini 
aytish qiyin emas.