Китобда даволанишнинг энг самарали усулларидан бири Тета Ҳеалинг

ВАС-ВАСга учраганлар
Мен тўғридан-тўғри дуч келмагунча, вас-васга учраганларга унчалик аҳамият
бермасдим. Бу воқеа Айдаҳо штатидаги Твин-Фаллсда ўтказилган экстрасенслар
кўргазмасида юз берди. Биз ишлаган хонада "ўқишлар" пайтида мижозлар билан
ёлғиз қоладиган кабинкалар йўқ эди, шунинг учун барча машғулотлар
тўғридан-тўғри оммавий равишда ўтказилди. Еттита экстрасенс бор эди ва
уларнинг барчаси ўз машғулотларини бир вақтнинг ўзида ўтказдилар. Бизнинг
дўстларимиз, танишларимиз ва менинг собиқ эрим Блейк у ерда ўтиришди ва нима
бўлаётганини томоша қилишарди. Икки киши, Мормон черковининг ёш
миссионерлари Блейкнинг қариндошлари эдилар. Хона иссиқ ва гавжум эди ва
мен уйга қайтишни ўйлардим.
Тўсатдан, ўша пайтда "ўқиш" машғулотидан ўтаётган аёл билан нимадир содир
бўлди. У худди "Экзорцист" филмидаги сингари, полда силжий бошлади ва ҳар
хил овоз билан гапира бошлади. Мен ҳеч қачон ҳаётимда бунчалик кўп одамлар
тез бир жойга тўпланишини кўрмаганман. Вазиятни тушунмай ҳатто мени ёлғиз
қолдириб, миссионерлар ҳам қочиб кетишди.
Мен бу аёлга ёрдам бериш учун яқинлашганимда, кўзлари юмилиб, юзи ва
танаси титрай бошлади, оғзидан ифлос ҳақоратлар чиқа бошлади. Унинг елкасига
қўлим текканида, мен унинг вас-вас эканлигини билдим ва шу заҳотиёқ
жинларнинг руҳини илоҳий нурга йўналтириш учун Тета холатига кирдим.
Ҳайронман, унинг танасида бир нечта нарса бор эди. Ниҳоят, бу руҳларнинг
барчаси ўз манзилларига етиб боришди ва бир мунча вақт ўтгач, аёл хушига келди
Психик ташхис қўйилган кўплаб одамлар аслида жин чалганлар, шунинг
учун мижознинг танасини интуитив текширувдан ўтказишда уни танаси жин
томонидан эгалланган ёки йўқлигини аниқлаш учун текшириш керак.
Вас-васнинг яна бир тури - бу алкогол ва гиёҳванд моддаларга муккасидан
кетган одамларда пайдо бўладиган “мавжудотлар томонидан “эгалланганликдир””.
Уларни шифолаш, объектлардан халос қилиш, уларнинг тикланишида муҳим рол
ўйнаши мумкин.
Инсон танасини ўзлаштирган руҳ, Яратувчи билан алоқада бўлганингизда, унга
берган буйруғингизга бўйсуниши керак.