Kitob uchta qismdan iborat. "Strukturali dasturlash", "Obyektli-yo’nalishli dasturlash", "Standart kutubxonalar"

Arifmetik amallar. Ko'rsatgichlar bilan arifmetik (konstanta, qo'shish, ayirish, inkrement va dekrement) amallar avtomatik tarzda ko'rsatgichlar adreslaydigan o'lchamini hisobga oladi. Bu amallar faqat bir tipdagi ko'rsatgichlarga qo'llaniladi va xotirada ketma-ket joylashtirilgan ma'lumotlar strukturalari, masalan, massivlar bilan ishlashda ma'noga ega.
Inkrement ko'rsatgichni massivning keyingi elementiga, dekrement esa – oldingi elementiga o'tkazadi. Haqiqatda ko'rsatgich qiymati sizeof(tip) miqdorga o'zgaradi. Agar ma'lum tipga ko'rsatgich konstantaga ortsa yoki kamaysa, uning qiymati berilgan tipdagi obyekt o'lchamiga ko'paytirilgan bu konstanta miqdoriga o'zgaradi, masalan:
short * p = new short [5];
p++; // p qiymat 2 ga oshadi
long * q = new long [5];
q++; // q qiymat 4 ga oshadi

Ikkita ko'rsatgich ayirmasi – tipning baytlardagi o'lchoviga bo'lingan, ularning qiymatlari ayirmasi (massivlarga nisbatan ko'rsatgichlar ayirmasi, masalan, uchinchi va oltinchi elementlari 3 ga teng). Ikkita ko'rsatgichlarni qo'shish mumkin emas.

Ko'rsatgichli ifodalarni yozishda amallarning ustunliklariga e’tibor qaratiladi. Misol sifatida
*p = 10;
operatorda berilgan amallar ketma-ketligini qaraymiz.
Adresga ajratish va inkrement amallar bir xil ustunlikka ega va o'ngdan chapga bajariladi, lekin inkrement postfiks bo'lgani uchun u qiymat berish amalidan keyin bajariladi. Shunday qilib, dastlab p ko'rsatgichda yozilgan manzilga 10 qiymat yoziladi, so'ngra ko'rsatgich uning tipiga mos baytlar soniga orttiriladi. O'shani to'liq quyidagicha yozish mumkin:
*p = 10; p++;
(*p)++ ifoda aksincha, ko'rsatgich murojaat qiladigan qiymatni inkrementlaydi.
& adres olish unar amali nomga ega bo'lgan va operativ xotirada joylashgan miqdorlarga qo'llaniladi. Shunday qilib nomlanmagan konstanta yoki registrli o'zgaruvchi skalyar ifoda adresini olish mumkin emas. Bunday amallarga misollar yuqorida keltirilgan.


Murojaatlar
Murojaat murojaatni initsializatsiyalarda ko'rsatilgan nom sinonimidan iborat. Murojaatni hammavaqt nomlar ajratiluvchi ko'rsatgich kabi qarash mumkin. Murojaatni e'lon qilish formati: