Kitob tumani tarixi Reja

To‘rtala tomoni ham 11,2 metrga teng dahma. Xonaqohning ro‘parasida mavlono Xojagi Imkanagiyning salobatli dahmasi qad rostlab turibdi. Balandligi ikki metrdan oshiqroq bo‘lgan dahma kvadrat shaklida, to‘rt tomoni ham 11,2 metrga teng. Dahma devori turli o‘lchamdagi tog‘ toshlaridan kesib tiklangan. Uning ustida ikkita qabr bo‘lib, shimol tomonidagisi mavlono Xojagi Imkanagiyga taalluqli, ikkinchisi esa farzandlari bo‘lmish xoja Abul Qosimning qabridir. Xojagi Imkanagiyning qabrtoshi ustida arab tilida bitilgan yozuvlarda: «Bu munavvar qabr oriflar sultoni, haqgo‘ylar tayanchi, dinu millat va sultonlar nasihatgo‘yi, faqirlar murabbiyi, xos va avom rahnamosi, fozillar va olimlar suyuklisi, ulug‘ shayxlar etishgan hol sohibi, poklik ila mag‘firat qilingan qutublar qutubi, mavlono Yaqub Charxiyning nevarasi, mavlono Darvesh Vaxshuvoriy alayhi rahma var-rizvonning o‘g‘li — hazrat mavlono Xojagiynikidir. Vafot etgan sanasi hijriy 1008 yil (milodiy 1599-1600 yillar)» kabi sifatlar yozib qo‘yilgan. Qabrtoshning chetlariga aylantirilib, Allohning turli sifatlarini anglatuvchi 33 ismi bitilgan.