Kitob tuman 1-son kasb-hunar maktabida 8-mart “Xalqaro xotin -qizlar” bayrami munosabati bilan o’tkazilgan “Mohir va zukko qizlar ” ko’rik tanlov bayonnomasi

Kitob tuman 1-son kasb-hunar maktabida 8-mart “Xalqaro xotin -qizlar” bayrami munosabati bilan o’tkazilgan “Mohir va zukko qizlar ” ko’rik tanlov
BAYONNOMASI:
Kitob tuman 07. 03 2022 yil
KUN TARTIBI:
1-Sonli kasb-hunar maktabida 8-mart “Xalqaro xotin - qizlar” bayrami munosabati bilan o’tkazilgan “Mohir va zukko qizlar ” ko’rik tanlovi to’g’risida.

QATNASHDILAR:
Kitob tuman 1-son kasb – hunar maktabi Yoshlar ishlari bo’yicha direktor o’rinbosari I.S. Ro’ziyev, o’quv ishlari bo’yicha direktor o’rinbosari M. Qobilov, Yoshlar yetakchisi N. Daminova, psixolog Sh. Sayfullayeva, uslubchi Ibragimova N, Kutubxonachi D. Ergasheva N. Shaxobova, Jasorat maktabi o’qituvchilari, 204-guruh rahbari F. Jalolov va o’quvchilar
Bayram tadbirining ochilishi:
Kasb-hunar maktabi faollar zali bayramona bezatilgan!
So’zga chiqdi:
Kitob tuman 1-son kasb – hunar maktabi Yoshlar ishlari bo’yicha direktor o’rinbosari I.S. Ro’ziyev ko’rik tanlovni ochib berish uchun so’zga chiqdi va barcha xotin - qizlarni 8-mart “Xalqaro xotin - qizlar ” bayrami bilan samimiy tabrikladi va tadbirni ochiq deb e’lon qildi.
Shundan so’ng boshlovchilar tomonidan jamoalar sahnaga taklif qilindi. bellashuv shartlari va ko’rik tanlovning o’tkazilish tartibi hamda jamoalarni holis baholash uchun hakamlar hay’ati tanishtirildi .

Ko’rik tanlovning o’tkazilishi.
1 – shart. Tanishtiruv - bu shartda qizlar o’z jamoalaridagi qizlarni she’rlar bilan belgilangan vaqt ichida tanishtirdilar. 1- shartdan jamoalarning olgan ballarini hakamlar hay’ati e’lon qildi .
2 – shart. Pazandalik - bu shartda qizlarimiz bahoriy kayfiyat bag’ishlovchi, vitaminlarga boy salat tayyorlashdi. Har bir jamoaga salat tayyorlashlari uchun mahsulotlar teng taqsimlab berildi. Belgilangan vaqt ichida tayyorlangan salatlar hakamlar hay’atiga taqdim etildi va hakamlar tomonidan xolis baholandi.

3 – shart. Soch o’rish - bu shartga ko’ra qizlar belgilangan vaqt ichida o’zlari tanlab olgan qizlarni sochlarini milliy usulda, sifatli va chiroyli qilib o’rishlari aytildi. Jamodagi qizlar sochlarni o’rishlari uchun vaqt belgilandi. Eng chiroyli, sifatli o’rilgan sochlar hakamlar tomonidan munosib baholandi va e’lon qilindi.
4 – shart. Jannatim onam - deb nomlanib bu shartda jamoa qizlari tomonidan onalarimiz haqida aytilgan she’r va qo’shiqlar tinglandi va tadbirga tashrif buyurgan onalarimzga jamoa qizlari tomonidan gullar taqdim e’tildi. Ona haqida aytilgan eng ta’sirli mazmunli qo’shiq va she’rlarga hakamlar tomonidan yuqori ballar qo’yildi.
5 – shart. Erkin mavzu - bu shartda jamoalar belgilangan vaqt ichida o’zlarining iste’dodlarini, mahoratlarini qo’shiqlar, raqslar, badiiy chiqishlar orqali namoyish etdilar va hakamlar hay’ati tomonidan barcha jamoalarning chiqishlari munosib baholandi.
Ko’rik tanlov yakunida jamoalarning olgan ballari kasb-hunar maktabi O’IBDO’ M.Qobilov tomonidan e’lon qilindi.




Hakamlar hay’ati qaror qiladi.

1. 
   Kasb-hunar maktabi ma’muriyati tomonidan barcha ishtirokchilarga faxriy yorliqlar va nominatsiyalar topshirilsin.
   
2. 
   Ko’rik tanlovda yuqori ball to’plagan jamoa g’olib deb topilsin va sovg’alar bilan rag’batlantirilsin.
   

Raislik qiluvchi: YIBDO’ I.S. Ro’ziyev
Kotiba: Yoshlar yetakchisi N. Daminova