Китоб тавсифи

Аҳмад Фарғоний номидаги вилоят
ахборот-кутубхона маркази
Ахборот библиография бўлими

Кутубхоначилар учун услубий қўлланма





Фарғона - 2017


«Библиография» сўзи илк бора Қадимги Грецияда қўлланила бошланган. biblion (китоб) и gгарhо (ёзаман) деган маънони билдиради.
«Библиография» термини дастлаб китоб кўчириб ёзишни англатган, вақт ўтиши билан 17- аср ўрталаридан китоблар баёнини билдиради. Библиография тарихи китоб босиш юзага келиши билан бошланди. Китоб босиш ихтиро қилингунга қадар, китоб ёзадиганлар библиографлар деб аталган.
Библиография – матбуот ҳамда ёзув асарлари хақида ахборот тайёрлаш ва бериш ҳамда уларни маълум ижтимоий мақсадларда тарғиб қилиш билан шуғулланадиган илмий ва амалий фаолият соҳасидир.
Библиография ишини ташкил этиш
Библиография ишини ташкил этиш – бу мамлакатнинг турли ҳудудларида, аҳолининг ахборотга бўлган эҳтиёжини қондириш мақсадида ахборот-кутубхона муассасаларининг мақбул тизимни ташкил қилиш. Бу жараён турли библиографик воситалар орқали, ахборот-кутубхона муассасаси фондини очиб беришда ва фойдаланувчиларнинг фаоллашувига хизмат қилади. Ахборот-кутубхона муассасасининг ҳар бир ходими библиографик ишларнинг ташкилий асосларини билиши зарурдир.


Ахборот-кутубхона муассасаларида ахборот-библиография ишларининг асосий йўналишлари шаклан қуйидагилардан иборат:
- маълумот-библиографик аппаратини ташкил қилиш ва юритиш;
- маълумот-библиография хизмати;
- ахборот-библиография хизмати;
- фойдаланувчилар орасида ахборот маданиятини тарғиб қилиш (оғзаки библиографик обзорларга тайёргарлик кўриш ва ўтказиш);
- ахборот-кутубхона муассасаларида фойдаланувчилар учун турли библиографик қўлланмалар, кўрсаткич ва адабиётлар рўйхати, турли картотекалар тузиш.


Маълумот-библиографик аппаратини ташкил қилиш