Kislota asos to’g’risidagi proton-asos-gidrid kontseptsiyasi

Konduktometrik usul temperaturaning ma’lum qiymatida eritmadagi elektrolit konsentrasiyasi bilan eritmaning elektr o’tkazuvchanligi orasidagi bog’lanishga asoslangan. Odatda eritmaning konsentrasiyasi qancha yuqori bo’lsa, uning elektr o’tkazuvchanligi shuncha katta bo’ladi. Shunga ko’ra konduktometrik usuldan miqdoriy analizda samarali foydalanish mumkin.

Agar eritmada yagona elektrolit mavjud bo’lsa, konduktometrik aniqlashni o’tkazish osonlashadi. Buning uchun dastlab aniqlanuvchi elektrolit konsentrasiyalari ma’lum bo’lgan eritmalarniyag elektr o’tkazuvchanligini o’lchash yo’li bilan kalibrlangan grafik tuziladi. So’ngra tekshirilayotgan eritmaning elektr o’tkazuvchanligi o’lchanadi va kalibrlangan grafikdan foydalanib ayni elektr o’tkazuvchanlikka muvofiq keluvchi konsentrasiya topiladi.

Masalan, xlorid kislotaning elektr o’tkazuvchanligi HCl ning eritmadagi konsentrasiyasiga to’g’ri proporsional ravishda o’zgaradi. Avval xlorid kislotaning turli konsentrasiyali eritmalarining elektr o’tkazuvchanligini o’lchash yo’li bilan kalibrlangan grafik tuziladi. So’ngra noma’lum konsentrasiyali xlorid kislota eritmasining elektr o’tkazuvchanligio’lchanadi va unga muvofiq konsentrasiya kalibrlangan grafikdan foydalanib aniqlanadi.

Hajmiy analizda ekvivalent nuqtani aniqlashda iyadikatorlardan tashqari eritmaning elektr o’tkazuvchanligini aniqlashdan ham foydalanish mumkin.