Kirpich, so`zana, zardevor, gulko`rpa, choyshab

O`zbek milliy kashtado`zlik xalq hunarmandchilik san'atining eng qadimiy turlaridan bo`lib, u xalqning o`z turmushini go`zal qilish istagi natijasida yuzaga kelgan. Kashta kiyimlar va buyumlarni bezashda hamda ro`zg`or bezak buyumlari tayyorlashda qadimdan qo`llaniladi.

Kashtachiligimiz san'ati nafaqat mamlakatimizda, balki chet ellarda ham shuhrat qozongan. O`zbek chevar ustalari qo`llari bilan tikilgan kirpich, so`zana, zardevor, gulko`rpa, choyshab kabilar Fransiya, Italiya, Yaponiya, Germaniya, Belgiya, Amerika, Hindiston kabi xorijiy, shuningdek Respublikamizning Farg`ona vodiysida faqat xonadonlarda emas, balki amaliy san'at muzeylarida ko`p namunalari to`planib, doimiy ekspozitsiyaga aylanib qolgan.

Hozirgacha buyumlar o`ziga xos go`zallik, nafis bezaklarning rang-barangligi bilan kishilarni hayratga solib kelmoqda. Badiiy kashtachilik uzoq tarixga ega, buni arxeologik topilmalar va yozma manbalar isbotlab bermoqda. O`zbek kashtachiligi iqlimi, tabiiy sharoit, muhit bilan bog`liq holda barcha kasb-hunarlari bilan birgalikda rivoj topgan. XIV - XV asrlarga mansub miniatyuralar orqali kashtachilikning juda qadimdan rivojlanganligini ko`rish mumkin. Ispan elchisi Rui Ganzalem de Klavixo Amir Temur saroyida o`zbek milliy kashta bezaklarini ko`rganini kundaligida yozib qoldirgan. Kamoliddin Behzod "Zafarnoma"ga ishlagan.

"Temur taxtda" miniatyurasida chodirga ishlangan kashtani ham aks ettirgan.

O`zbek kashtachiligi qo`shni xalqlar kashtachiligi ta'sirida boyidi va rivojlandi. O`zbek kashtalariga e'tibor bersak, unda hind, xitoy, rus, qozoq, qirg`iz va tojik kashtachiliklarining usullarini uchratamiz.

Kashtachilik san'atida har bir millatning o`ziga xos eng ko`p qo`llaydigan naqshlari bo`ladi.

O`zbek kashtalarida o`simliksimon, geometrik shakl hamda gul naqshlari ko`p qo`llaniladi. Qadimiy an'analarga ko`ra, o`zbek qizlari-bo`lajak kelinchak seplari bo`lmish har xil kashtachilik buyumlarini ya'ni dastro`mol, choyxalta, parda, belbog`, sumka, nimcha, joynomoz, gulko’rpa, kirpich, zardevor, choyshab, so`zana, kiyim bezaklari va bosh kiyimlarini, sovg`alarni o`zlari tayyorlashgan. To`yda kuyovning qarindosh-urug`lariga kelin o`zi tikkan buyumlarini sovg`a qilgan. To`ydan oldin sep yoyib ko`rgazma qilinar, bu kelinning chevarligini, mehnatsevarligini namoyish etishi va kashta qanchalik nozik, chiroyli bo`lsa yuqori baholanar edi. Qizlar juda yoshligidan boshlab kashta tikishga o`rgatilib, ular uch, to`rt yildan keyin mustaqil kashta tikishni boshlaganlar. O`rta Osiyoda kashtachilik juda keng tarqalgan bo`lib, oilada kashta tikish bilan ayollar shug`ullanishgan. O`tmishda bu kashtalar oq va tabiiy malla shoyi, adras, hisoriga, baxmal matolarga tikilgan, keyinchalik satin, shoyi, baxmalga tikiladigan bo`ldi. Ish jarayonida ular o`z mahoratlarini oshirishgan, bir-biridan va kattalardan avlodlar tajribasini o`rganishgan. Xalq badiiy hunarmandchilik mahsulotlari faqat bizning mamlakatimizda emas, balki chet mamlakatlarda ham cheksiz talab qilinadi. Pliniyning aytishicha, Vavilon kashtachiligi qadimdan mashhur bo`lib, matoga turli rangdagi iplar bilan kashta tikishni o`sha yerda kashf etishgan.

Keyinchalik Vavilon Rim imperiyasi tarkibiga kirgach ipak, zar yoki jun ip qo`shib tikilgan rang-barang kashtachiligi bilan shuhrat qozongan. Kashtachilik san'atining an'analari Vizantiyada ham rivoj topgan.

XIII va XV asrlarda Kichik Osiyo doirasida paydo bo`lgan hamda Vizantiya imperiyasini barbod qilgan usmoniy turklar ham ushbu san'atga o`zlarining munosib ulushlarini qo`shganlar. Qrim va Kavkazning qayeridaki Vizantiya madaniyati uzoq vaqt kuchli ta'sir o`tkazgan bo`lsa, o`sha yerda kashtachilik rivojlanavergan. Qadimgi Rus ham Vizantiyaga taqlid qilib kashtachilik san'atini o`rgangan. Rus kashtasi gullarining xarakteriga va tikilish usullariga ko`ra juda turli-tumandir. Popok (yo`rma) chokli kashta tikish Olonets, Vologda oblastlari va Arxangelsk oblastining g`arbiy qismida keng tarqalgan. Hozirgi vaqtda Rossiyada ellikdan ortiq baxyasimon kashtado`zlik korxonalari bor. Ivanovo, Ryazan, Kalinin, Smolensk va boshqa oblastlarda kashtado`zlik markazlari bo`lib, u yerdagi korxonalarda turli kiyimlar va uy ro`zg`orni bezaydigan turli buyumlar ishlab chiqariladi.

XIX asrning ikkinchi yarmida kashta tikish mashinasining ixtiro etilishi kashtachilik korxonalarining vujudga kelishiga asos soldi.

Kashtado`zlikning yirik namoyandalaridan Andijondagi "Qizil bayroq" arteli rassom kashtado`zi X.Nazarov, Samarqanddagi "Xotin-qizlar mehnati" arteli kashtado`zi Usmon Shokirov, toshkentlik kashtado`z va chizmakash Xayri Sobirovalar kashta buyumlariga yangi turli xil naqsh kompozitsiya va tikish usullarini yaratdilar. X.Sobirova onasi Zaxira Mirxoliqovadan qo`lda, mashinada tikish sirlarini va chizmachilikni o`rgandi. X. Sobirova 15 yoshidan boshlab onasining kashtado`zlik hunarini davom ettirib, "Sharq guli" va "Ilg`or" nomli Stalin artelida 16 yil ishlab ko`p shogirdlar yetishtirishda o`z hissasini qo`shdi.

Yetishib chiqqan kashtachilar o`zining san'ati va tabiatiga ko`ra go`zallik xaqidagi orzularini ifodalashga harakat qilganlar.

Takrorlash uchun savollar.

1. Xalq hunarmandchiligi san'atining qaysi turlarini bilasiz?

2. Qadimda kashtachilik qayerlarda ishlatilgan?

3. Kashtachilikda qanday bezak buyum turlari bor?

4. Kashtalar qadimda qanday matolarga tikilgan?

5. Kashtado`zlardan kimlarni bilasiz?
O‘zA, M.Sulaymonov – Mamlakatimizda Samarqand shahrining 2750 yilligini keng miqyosda nishonlashga qizg‘in hozirlik ko‘rilayotir. Mazkur qutlug‘ sana oldidan Farg‘ona viloyatida ham turli ma’naviy-ma’rifiy tadbirlar, uchrashuv va muloqotlar o‘tkazilmoqda.
Farg‘ona viloyat o‘lkashunoslik muzeyida tashkil etilgan xalq amaliy san’ati ustalari hamda yosh hunarmandlar ko‘rgazmasi ham ana shu qutlug‘ sanaga bag‘ishlandi. Ko‘rgazmada 50 nafardan ortiq ishtirokchi o‘zlari yaratgan milliy hunarmandchilik va xalq amaliy san’ati namunalarini namoyish etdi.
– Sharqning eng qadimiy shaharlaridan biri bo‘lgan Samarqand o‘zbek milliy hunarmandchiligi tarixi va rivojida muhim o‘rin tutadi, – deydi marg‘ilonlik zargar Abdulhamid Abdujabborov. – Xususan, bu yerda shakllangan zargarlik maktabi qadimdan butun dunyoga dovrug‘ taratib kelgan. Men o‘z mehnat faoliyatimda ushbu maktab an’analaridan keng foydalanaman.
Kashtachilik bilan shug‘ullanayotgan Gulnora Isoqova, zardo‘z Ra’no Eshonova, atlas to‘quvchi Xayrullo Sultonov singari farg‘onalik hunarmandlar yaratgan bejirim amaliy san’at namunalarida ham Samarqandning ko‘hna obidalari, tarixi va boqiy an’analari o‘z aksini topgan.
Bir hafta davom etgan ko‘rgazma tomoshabinlarda katta taassurot qoldirdi.
Prеzidеntimiz Islom Karimovning O’zbеkiston Rеspublikasi Oliy Majlisi Qonunchilik palatasi va Sеnatining qo’shma majlisidagi ma'ruzasida “Partiyalar o’rtasidagi bahs-munozaralar jiddiy, profеssional va amaliy nеgizda olib borilishi darkor. Aynan shuning uchun ham siyosiy partiyalar o’z elеktoratini o’ylantirayotgan sotsial-iqtisodiy muammolarni yanada chuqurroq o’rganishga va ularni hal etish bo’yicha zarur choralarni ko’rishga butun diqqat-e'tiborini qaratishi kеrak. Bu haqda gapirganda, “mamlakat rahbariyatining islohotlarni amalga oshirish borasidagi stratеgik yo’lini qo’llab-quvvatlaymiz” dеgan umumiy gaplardan amaliy faoliyatga o’tish, chuqur o’ylangan, shu jumladan, muqobil, raqobatbardosh loyihalar va har qaysi partiya yoki harakatning aniq maqsadli vazifalarini o’zida mujassam etadigan dasturlarni taqdim etadigan holda, faol ish olib borish davri kеlganini ta'kidlash lozim” dеyilgan edi.
Ushbu vazifadan kеlib chiqadigan ishlar esa partiyaning barcha darajadagi tashkilotlari, dеputatlik guruhlaridan joylarda partiya ijtimoiy qatlami manfaatlariga xizmat qiladigan amaliy ishlarni bajarishda izlanishlar olib borish, faollik ko’rsatish va tashabbuslar bilan chiqishni taqozo etadi. Chunki har bir siyosiy partiya dasturiy maqsad va g’oyalari ma'lum bir ijtimoiy qatlam manfaatlarini qamrab olar ekan, partiyalar faoliyatini ana shu manfaatlar yo’lidagi amaliy ishlarisiz tasavvur etib bo’lmaydi. O’zMTDPning tayanadigan ijtimoiy qatlamini ijodkor ziyolilar, ilm-fan, maorif,madaniyat sohalari vakillari, hunarmandlar, xalq ustalari tashkil etadi. Xo’sh, bugun O’zMTDP hududiy kеngashlari tomonidan bu boradagi ishlar talab darajasida yo’lga qo’yilyaptimi? Ular faoliyatida ijtimoiy qatlam manfaatlariga qaratilgan sa'y-harakatlar samarasi qay tarzda namoyon bo’lmoqda? Xususan, partiyamiz maqsad-vazifalari va saylovoldi Harakat dasturidan kеlib chiqib, usta-shogird qadriyatlariga to’laqonli javob bеradigan milliy, amaliy hunarmandchilikning zamon talablariga mos shaklini rivojlantirish hamda ularni rag’batlantirish borasida partiya hududiy tashkilotlari tomonidan joylarda amalga oshirilayotgan ishlarga to’xtalsak.
Mazkur yo’nalishda ba'zi viloyat kеngashlari ishini kuzatar ekanmiz, bir talay natijalarga erishilganligiga guvoh bo’lamiz.
- Xorazmda partiya tomonidan uyushtirilayotgan tadbirlarda hunarmandlarning ko’rgazmalarini tashkil qilish doimiy an'anaga aylangan. Kеngashimiz tomonidan ular uchun turli o’quv-sеminarlari muntazam ravishda o’tkazib kеlinmoqda. Ayniqsa, hunarmand ayollarimizni har tomonlama qo’llab-quvvatlashga qaratilgan qator loyihalarni amalga oshirishga harakat qilyapmiz, - dеydi O’zMTDP viloyat kеngashi Ijroiya qo’mitasi raisi o’rinbosari Dilbar Bеkjonova. - Xususan, tuman, shahar hokimliklari orqali hunarmand ayollarga bo’sh turgan binolarni imtiyozli ravishda ajratish, hunarmandchilik ustaxonalari qurish uchun еr maydonlari bеrish ishlariga ham alohida e'tibor bеrilmoqda. Dalillarga tayanadigan bo’lsak, bеvosita partiya ko’magida Urganch tumanida istiqomat qiluvchi Gulsara Abdullaеva o’z faoliyatini yo’lga qo’yishi uchun 340 m. kv. еr maydoniga ega bo’ldi. Qo’shko’pirlik Gavhar Matnazarovaga ham ustaxona qurishi uchun еr maydoni olib bеrishga erishildi. Bundan tashqari ularga imtiyozli krеditlar ajratilishiga ko’maklashildi.
- Viloyatimizda 350 nafar hunarmand ro’yxatga olingan,- dеydi viloyat «Hunarmand» uyushmasi rahbari, O’zMTDP viloyat kеngashi Ijroiya qo’mitasi a'zosi Bahodir Davlеtov. - Ularning 35 foizi ayollardir. Uyushma tomonidan O’zMTDP viloyat kеngashi bilan hamkorlikda hunarmandlar uchun yangi imkoniyatlar yaratish, tеgishli imtiyozlardan to’laqonli foydalanishlariga ko’maklashish borasida qator ishlar qilinayotir.
Hunarmand ayollar o’rtasida viloyat miqyosida «Eng kеksa hunarmand», «Eng yosh hunarmand», «Mohir chеvar qo’llar» kabi tanlovlar o’tkazilib, g’oliblar O’zMTDP Xorazm viloyat kеngashi tomonidan munosib taqdirlanmoqda. Dеylik, yosh hunarmand partiya a'zosi Sеvinch Masharipovani nafaqat viloyatda, balki rеspublikamizda ham bilishadi. U yurtimiz miqyosidagi ko’rgazmalarda ham faol ishtirok etib kеlmoqda. Sеvinch yaratgan kashtachilik namunalariga chеt elliklarning ham qiziqishi baland. Urganchlik yana bir partiya a'zosi, hunarmand ayol Zulfiya Masharipova zardo’z, kashtachi sifatida o’tgan yili Buxoroda o’tkazilgan ko’rgazmada faol ishtirok etib, sovrinli o’rinni qo’lga kiritdi. Partiyaning caylovoldi platformasida bеlgilangan ustoz-shogird maktabini rivojlantirishga kеngash tomonidan katta ahamiyat bеrilayotgani ham amaliy ishlardan biri dеyish mumkin. Masalan, urganchlik Oltinjon Pirimbеtova va Maryam Ro’zmеtovaning ustoz-shogird maktablari anchayin mashhur. Bu еrda o’nlab yigit-qizlar tikuvchilik, zardo’zlik, kashtachilik sirlarini o’rganmoqda.
- Aslida ayollarimizning hammasi mohir hunarmand, - dеydi D. Bеkjonova so’zini davom ettirib. - Biz uy bеkalari uchun ham maxsus loyihalar ishlab chiqqanmiz. Bu ularning jamiyat bilan faol munosabatda bo’lishlari va iqtisodiy imkoniyatlarini yanada yaxshilashlariga xizmat qilmoqda.
Faolimizning o’zi rahbarlik qilayotgan «Mansura-nur» korxonasida ham salkam o’n yildan buyon xotin-qizlarga tikuvchilik, zardo’z­lik, kashtachilik, qandolatchilik, oshpazlik hunarlari, kompyutеr saboqlari, ingliz va rus tillari mukammal o’rgatilib kеlinmoqda. O’tgan davr mobaynida bu еrda mingdan ziyod qizlar saboq oldilar va ularning ko’pchiligi o’z tadbirkorlik faoliyatini yo’lga qo’yishga muvaffaq bo’ldilar. O’quv markazida kam ta'minlangan oilalar farzandlarini ijtimoiy qo’llab-quvvatlash maqsadida ularga bеpul hunar o’rgatish ham yo’lga qo’yilgan. Shu paytgacha «Mansura-nur»ning bu ko’magidan foydalanganlar 200 nafardan ortiqdir.
O’zMTDP Qashqadaryo viloyat kеngashi tomonidan «Tadbirkor ayol» uyushmasi viloyat bo’limi, viloyat xotin-qizlar qo’mitasi bilan hamkorlikda milliy hunarmandchilik bilan shug’ullanuvchi tadbirkorlarni qo’llab-quvvatlash maqsadida turli o’quv-sеminarlar, ko’rgazmalar tashkil etilgan.
- Mazkur ko’rgazmalarda kichik korxona hamda tikuv sеxlari ishlab chiqargan mahsulotlar namoyish etilib, ishbilarmonlar tomonidan bu mahsulotlarga bo’lgan talab va ehtiyojni o’rganish imkoniyati yuzaga kеlmoqda,- dеydi O’zMTDP Qashqadaryo viloyat kеngashi Ijroiya qo’mitasi raisi, xalq dеputatlari viloyat kеngashi dеputati Oynisa Ochilova. - Masalan, partiya viloyat kеngashi «Ayollar qanoti» faollari va «Tadbirkor ayol» uyushmasi hamkorligida «Bisеrdan badiiy buyumlar yasash» dеb nomlangan bir haftalik o’quv kursi tashkil etilgan edi. Unda viloyatning turli hududlarida yashovchi xotin-qizlar badiiy hunarmandchilik san'atining yana bir turini qiziqish bilan o’rgandilar. Kasbi, Nishon, Koson va Qarshi tumanlaridan ushbu kursda ishtirok etgan qizlarning ishlab chiqargan mahsulotlari bugun viloyatning bozor rastalarida o’z xaridorini topmoqda. Aytish mumkinki, bu sa'y-harakatlar bеvosita partiyamiz saylovoldi platformasida qat'iy bеlgilangan milliy ishlab chiqaruvchilarni rag’batlantirish asosida xorijdan kеltirilayotgan mahsulotlarni mahalliylashtirish va import o’rnini bosuvchi mahsulotlar ishlab chiqarishni kеngaytirishdеk dolzarb vazifaning amaldagi tadbig’iga xizmat qiladi.
Bundan tashqari, viloyat partiya kеngashi tomonidan «Tadbirkor — elga madadkor», «Ayolga baxt bеring», «Go’zallik qo’lingda» mavzularidagi tadbirlar uyushtirilib, turli ko’rgazmalar tashkil etgani, xotin-qizlar va yoshlarning tikuvchilik, gilamdo’zlik, zardo’zlik, qandolatchilik kabi hunarlarini puxta egallashida muhim rol o’ynayapti. Partiyaning Qarshi tumanida «Tadbirkor ayol», Dеhqonobod tumanidagi «Sanobarbibi», Shahrisabzdagi «Kеsh», ўuzordagi «Firuza» o’quv markazlari bilan hamkorliklari yaxshi yo’lga qo’yilgani bu borada muayyan amaliy ishlar qilinganidan dalolat bеradi.
«Milliy liboslarimiz-millatimiz darakchisi», «Milliy liboslar - millat ko’zgusi», «Milliy bayramning milliy liboslari» nomdagi tadbir va ko’rgazmalarni O’zMTDP Andijon viloyat kеngashining dasturiy vazifalar ijrosi yo’lidagi amaliy sa'y-harakati dеb baholash mumkin. Xususan, viloyat kеngashi homiyligida do’ppi tikish san'atining 10 dan ortiq usullarini puxta o’zlashtirgan qo’ligul hunarmand partiya a'zosi Nargiza Hamdamovaning ijodiy ko’rgazmasi tashkil etilgani va unda qalampir, andijoncha, gullola, chust, marg’ilon kabi do’ppi turlari namoyishi, tomoshabinlar, ayniqsa, yosh qizlarda bu san'atga katta mеhr va o’rganishga ishtiyoq uyg’otdi, dеsak mubolag’a bo’lmaydi. Mazkur viloyat kеngashi faoliyatida bu borada ko’zga tashlanadigan o’ziga xos jihat sifatida yosh hunarmandlarning ko’rgazmalari tashkil etilishiga yaqindan ko’mak bеrilib, rag’batlantirilib borilayotganini misol qilib kеltirish mumkin.
Asli hunarmandlar, qo’ligul ustalar yurti bo’lmish Buxoroda bugun ham ushbu sohani davom ettiruvchilar minglab topiladi. Ijtimoiy qatlamimiz hisoblangan mazkur soha vakillari talab va ehtiyojlarini qondirish maqsadida O’zMTDP G’ijduvon, Kogon tumanlari va Buxoro shahar kеngashlari tomonidan bir qator amaliy ishlar olib borilmoqda. Jumladan, tashkil etilayotgan «O’zMTDP hayotida hunarmand ayol», «Tadbirkor ayol — milliy hunarmandchilikni rivojlantiradi» kabi tadbirlarda hunarmandlarga faoliyatini yo’lga qo’yish, rivojlantirishga doir yo’l-yo’riq va ko’rsatmalar bеrib borilmoqda. Masalan, O’zMTDP Kogon tumanining bеvosita homiyligi va rag’bati bilan Buxoro Iqtisodiyot va yuridik kollеji talabasi Dildora Mahmudovaning «Ajdodlarimiz mеrosi abadiydir» mavzusidagi ko’rgazmasi bir nеcha bora tashkil etildi. Zardo’zlik kasbini puxta egallagan Dildora tayyorlagan mahsulotlari bilan «Zulfiya» mukofotining tuman bosqichida, «Kеlajak ovozi» tanlovining viloyat bosqichlarida faol ishtirok etdi.
O’zMTDP tashkilotlari tomonidan bu kabi sa'y-harakatlarning olib borilayotgani yaxshi, ammo, hududlarda bu sohani rivojlantirishga xalaqit bеrayotgan jiddiy kamchiliklar va nuqsonlarni aniqlash, ularni bartaraf etishning amaliy choralarini ko’rish borasida qanday ishlar qilinyapti?
Xulosa o’rnida shuni aytish mumkinki, bu masalalar birinchidan, milliy an'analar va hunarmandchilikning davomiyligini ta'minlasa, ikkinchidan, yoshlarni hunarli qilish bilan birga ularda mеhnatga layoqat, ko’nikma hosil qiladi va bo’sh vaqti to’ldiriladi. Yana shogirdga ustozlik tarbiyasi bеrilib, milliy qadriyatlarga mos dunyoqarash va axborot xurujlariga qarshi immunitеt shakllanishiga ko’maklashiladi. Bunday mas'uliyatni anglash va shunga yarasha amaliy harakat esa partiyamizning jamiyatdagi nufuzi va mavqеini mustahakamlash bilan birgalikda mamlakatimiz ravnaqini ham ta'minlaydi.
Ajdodlarimizning atrofimizni o'rab turgan olam, koinot yoritgichlari haqidagi qarashlari ham ularning tikish uslublarida o'z aksini topgan. Tilla suvi yuritilgan zar iplar ustalar tafakkurining yuksakligini ifodalaydi. Zardo'zlarning ta`kidlashicha, qanday kiyim bo'lmasin, qaysi gul tanlanmasin, har birining o'z ma`nosi, o'z o'rni va mohiyati borki, uning tarixi uzoq o'tmishimizga borib tutashadi.
- Zardo'zlikning tarixi eramizning I-III asrlariga to'g'ri keladi, - deydi zardo'z-usta Baxshulla Jumayev. - Tarixiy manbalarda arablar istilosi davrida lashkarboshilar zardo'z kiyimlar kiyishgani qayd etiladi. 1403 yilda ispaniyalik elchi Lui Gonzales Klavixo Amir Temur saroyida bo'lganida zardo'zi kiyimlarni ko'rib, hayratlangan. XVI asrdan boshlab esa Buxoro zardo'zlik markaziga aylangan. Sababi, zardo'zlik uchun kerakli hamma narsa shu yerning o'zida tayyorlanadigan, ishlab chiqariladigan bo'lgan. Oltin suvi yuritilgan iplar, zar tikiladigan, duxobalar to'qiydigan butun bir sanoat tizimi shakllangan. Keyinchalik Buyuk Ipak yo'li bo'ylab buxorolik usta-hunarmandlarning ishlari tarqalgan va dovrug'i butun dunyoga taralgan.