Kirish,,0'rta asrlar tarixi haqida

Xodzyo xonadoni hukmronligi. 1199- yilda Minamoto vafot etgach, hokimiyat uning xotini va qaynotasi qo`liga o`tdi.

1219- yilda esa hokimiyatni Minamoto xonadoniga qarindoshlik aloqasi bo`lgan Xodzyo egallagan. Shunday sharoitda sobiq imperator Gotoba hokimiyatni egallash maqsadida isyon ko`targan. Biroq Gotoba ko`zlagan maqsadiga erisha olmagan. Uning qo`shini tor-mor etilgan. Isyonchilarga tegishli barcha mol-mulk musodara qilingan.

Xodzyo imperator xonadoni ustidan nazoratni kuchaytirish maqsadida Kioto shahriga o`zining alohida vakilini yuborgan. Uning ixtiyoriga maxsus harbiy qism ajratib berilgan.

Xodzyo mamlakatda diktatorlik tartibini joriy etgan.

1232- yilda sobiq imperator xonadoni tarafdorlarining ikkinchi isyoni bostirildi. Bu voqeadan so`ng Xodzyo o`zining mavqeini yanada mustahkamlash uchun kichik dvoryan xonadonlariga alohida e'tibor bergan. Chunonchi, kichik dvoryanlar ixtiyoridagi chek yerlar endilik-da ularning xususiy mulkiga aylantirilgan.