Kirish,,0'rta asrlar tarixi haqida

Atamalar mazmunini bilib oling
Fitna - biror shaxsni yo`q qilish maqsadida uyushtiriladigan yashirin til biriktirish.
Separatchilik - imperiya tarkibidagi u yoki bu xalqning ajralib chiqib, mustaqil davlat tuzishga intilishi.
7-§. Slavyan davlatlarining tashkil topishi
Tayanch tushunchalar: Slavyanlar. Chexiya davlati. Polsha davlati. Bolgariya davlati. Bogomillik.
Slavyan xalqlari haqida. Markaziy va Sharqiy Yev-ropada qadimdan slavyan qabilalari yashab kelganlar. Ular yashagan hududlar Boltiq dengizidan Qora dengizgacha bo`lgan ulkan maydonni egallagan. VII asrda slavyan xalqlari g`arbiy, janubiy va sharqiy slavyanlarga bo`linib ketganlar.
Chexlar, polyaklar va slovaklar g`arbiy slavyanlarni; bolgarlar, serblar va xorvatlar janubiy slavyanlarni; ruslar, ukrainlar va beloruslar esa sharqiy slavyanlarni tashkil etganlar.
Sharqiy slavyanlarda IX asrgacha davlat bo`lmagan. Bungacha ular urug`chilik tuzumida yashaganlar. Yer qishloq yoki urug`chilik jamoasining mulki bo`lgan. Qabila hayotiga tegishli masalalar vecheda ko`rib chiqilgan.
Chexiya davlati. X asr boshlarida Chexiya davlati tashkil topdi. Germaniya bu davlatni o`ziga bo`ysundirishga zo`r berib urindi. 1041- yilga kelib Chexiya Germaniyaning vassaliga aylandi. Ayni paytda Chexiya knyazlarining davlat ishlarini boshqarishdagi mustaqilliklari ma'lum darajada saqlab qolindi. Chunki istilochilik urushlarida Germaniyaga Chexiyaning ittifoqchi bo`lishi juda ham zarur edi. Shu tufayli Germaniya imperatori Genrix IV Chexiya knyazi Bratislav II ga (1042 - 1061) Qirol unvonini bergan. Biroq Chexiyaning qirollik maqomi uni Germaniyaga qaramlikdan to`la xalos etmagan.
Polsha davlati. Polsha davlati ham X asrda tashkil topdi. Unga barcha polyak qabilalarini biriashtirgan knyaz Meshko asos soldi. Bu tarixiy voqea 960- yilda yuz berdi.
966- yilda Meshko o`z qo`shini bilan xristian dinining katolik mazhabini qabul qildi.
Polsha knyaz Boleslav I (992 - 1025) davrida kuchli davlatga aylandi. U Polsha hududlarini kengaytirdi. Rim Papasidan Qirol unvonini qabul qildi.
Garchand Boleslav I ning o`limidan so`ng Polsha hududlari qisqargan boisa-da, o`rta asrlar davomida Polsha o`z mustaqilligini saqlab qoldi. Polshani ham tobe etish rejasi Germaniya uchun orzu boiib qolaverdi.