Кириш Ўқув фаннининг мақсади ва вазифалари

Фанни ўқитишдан мақсад инсон ҳаётий фаолияти ирсий механизмлари ва заҳираларини оқилона татбиқи ва муҳит ички ва ташқи шароитларига унинг мослашувчанлик имконияти юксак даражасини таъминлашдан иборат. Назарий жиҳатдан мазкур муносабатда валеологиянинг мақсади сифатида саломатликни шакллантириш қонуниятларини ўрганиш ва соғлом турмуш тарзини муваффақиятли моделлаштириш йўлларини ишлаб чиқиш акс этади. Амалий жиҳатдан эса валеологиянинг мақсади саломатликни шаклантириш, сақлаш, мустаҳкамлаш йўллари ва чора-тадбирларини белгилаш бўлиб, саломатликни сақлашга масъулиятли муносабатни шакллантиришдир.
“Валеология асослари” фанининг предмети алоҳида исон саломатлигини олий ҳаётий қадрият сифатини билдирувчи категория тарзида ўрганиб, бошқа фанлардан фарқли равишда, у инсон соғлиғига моҳияти, даражаси ва сифатини аниқлаш мумкин бўлган, физиологик, психологик ва ижтимоий башорат қилинадиган мустақил категория сифатида қарайди.
«Валеология асослари» фанининг вазифалари:
- талабаларда саломатлик даражаси ҳамда сифатини баҳолаш методларига оид амалий, тадқиқотчилик билим ва малакаларини шакллантириш;
- саломатлик ва соғлом турмуш тарзи фалсафасини шакллантириш;
- саломатликни сақлашга қаратилган муҳит яратиш;
- талабаларда тиббий-гигиеник маданиятга оид билим ва малакаларни таркиб топтириш;
- ёшларни соғлом оила қуришга тайёрлаш.
Дастурда талабаларни соғлом турмуш тарзини шакллантириш, валеологиянинг назарий-методологик асослари ва унинг педагогик, экологик, ижтимоий, оилавий йўналишлари кабилар, шунингдек, таълимий жараён ишчирокчиларининг соғлиғини сақлаш ва мустаҳкамлаш асослари билан таништиришга алоҳида эътибор қаратилди.
Курс бўйича билим, кўникма ва малакаларни ўзлаштириш натижасида талаба саломатлик даражаси ва сифати ортади: унда ижобий мотивация ривожланади, соғлом турмуш тарзи тамойилларини эгаллаши орқали шахсий саломатлигини сақлаш ва мустаҳкамлаш кучаяди, бўлғуси касбий фаолиятида ўзи ва атрофдагиларнинг саломатликларини сақлаш ва мустаҳкамлашга масъулиятли муносабат кўникмасига эга бўлади.