Kirish. Quvnoq tanishuv

Kirish.

Quvnoq tanishuv

Trening boshlanishidan avval ishtirokchilar bilan o’zaro tanishuv jarayoni o’tkaziladi. Tanishuv jarayonida ishtirokchilar o’z ismlarini emas o’ziga yoqqan o’ziga ma’qul bo’lgan boshqa nomni tanlaydi. Bu nomni uning o’zi tanlaydi. Bu nom uning yoqtirgan so’zi, ijobiy hislayti, qobiliyati umumiy quvnoq nom bo’lishi mumkin. Ishtirokchi tanlagan nom oson, boshqalar uchun aytishga qulay bo’lishi kerak. (Aqlvoy, quvnoqvoy, shirintoy, yoqimtoy va h.k). Butun trening davomida ishtirokchiga shu nom bilan murojot etiladi. Esda saqlanib qolishi uchun ishtirokchilar shu nomlarni ketma ketlikda birma bir takrorlab chiqishlari ham mumkin.

Kutuvlarni aniqlash

Trener ishtirokchilardan bugungi trening mashg’ulotidan nimalarni kutayotgani so’raladi.

Asosiy qism.

Avtobusda

1. Мaqsad;O’quvchilar muomala madaniyatini shakllantirish,shaxlar aro munosabatlarni ijobiy rivojlantirish.

Ishtirokchilardan biri avtobusda bezori rolini o’ynaydi, Qolganlar esa yo’lovchilar. Bezori avtobusdagi ikki o’rindiqni egallab olib, biriga o’zi o’tiribdi biriga esa sumkasini quygan. U hech kimga joy bermoqchi emas. Yo’lovchilardan har biri u bilan til topishib, uning yoniga o’tirishga harakat qilib ko’rishi kerak. Shart shuki maqsadga janjalsiz erishishi zarur.

Orqadagi yozuvlar

2. Ishtirokchilarning orqalariga qog’oz yopishtirib qo’yiladi. Barcha ishtirokchilar xonada istagan odamning yoniga borib uning orqasidagi qog’ozga shu insonning qaysi hislatlari yoqsa usha narsani yozadi. Vazifani mukammallashtirish ham mumkin; Masalan, o’sha odam nimani o’zgartirishini kerakligini yozishi ham mumkin. So’ngra ishtirokchilar davra bo’ylab bir-birlari haqidagi ma’lumotlarni o’qib chiqadilar.

Ikki qo’llab ko’rishish

3. Ishtirochilarning barchasi doira shaklida o’rinlaridan turgan holda joylashishadi. Qo’llar bir-birlariga birlashgan holda bo’ladi. Ko’rishish buyrug’I berilganda ishtirokchilar bir varakayiga xohlagan tomonidagi (chap yo o’ng)ishtirokchi bilan salomlashish uchub qo’llarini uzatadi. Bir necha mos kelmaslik holatlari kuzatiladi. O’yinning qiziqarli tomoni ham shundan iboratdir. O’yinni bir necha marta takror o’tkazish mumkin.

Aziz mehmon

4. Boshlovchi o’yinning mohiyatini quyidagicha tushuntiradi ‘’Hozir bir kishi chiqib to uni chaqirmaguncha xona tashqarisida kutadi.Qolganlardan 7 kishini biz har bir o’yin qatnashchilarining ishtirokini va xulq-atvorini baholash uchun hakam sifatida saylaymiz.Vazifangiz nimadan iboratligini bilib oling; eshik ortidagi kishi bizning aziz mehmonimiz . Tasavvur qiling u o’zga sayyoradan kelgan ishtirokchilardan biri mehmonni chaqiradi. Qolgan ishtirokchilarning har biri mehmon bilan ko’rishishga,undan nimadir so’rashga,unga nimalarnidir gapirib berishga harakat qilishi kerak, chunki mehmon zerikib qolmasligi kerak. Boshlovchi ham ishtirokchilar bilan birgalikda hakam a’zolarini, hamkorlik qiluvchi tarjimonni va ‘’mehmonni tanlaydi. Oldindan ma’lum bo’lgan kulguli narsalar o’yinga zavq bag’ishlaydi, kulgu uyg’otadi, lekin ta’kidlangan jiddiylik yo’qolmaydi. Hakam a’zolarining vazifasi: qatnashuvchilarning ishtirokini kuzatib borib, kimda-kim mehmon bilan quruq, betakalluf, soxta va odobsizlarcha munosabtda bo’lsa, ularning ballarini tushirishdan iborat. Odobsizlar va bali pastlar o’yindan chiqariladi.

Qayerga? qayerga?

5. Guruh a’zolarining har biri raqam bilan nomlanadi.Ishtirokchilar o’z raqamlarini eslab qolishlari kerak. Shundan so’ng ular aralahib o’tirishadi. Boshlovchi o’rtada turgan holda istalgan sonlarni aytadi. Shu raqamlar bilan nomlangan ishtirokchilar ‘’ Qayerga? Qayerga?’’ deb bir-birlarining o’rinlariga o’tirib olishlari zarur. Boshlovchi ham bu orada bo’sh qolgan joyni egallashi zarur. Joysiz qolgan ishtirokchi o’yinni shu yo’sinda davom ettiradi.

Yakuniy qism

Shirin tilak

Bu jarayonni o’zgacha uslubda o’tkazish mumkin. Ishtirokchilarga maxsus kartoshkalar tarqatilib chiqib, ularda ushbu qog’ozga hozirgi vaqtdagi kayfiyatini smile yuz tuzilishi orqali tasvirlashi so’raladi. Tabiyki quvnoq ruhiyatda bo’lganligi uchun quvnoq smilelar tasvirlanadi. Rasmlar tayyor bo’lganidan so’ng ularni ko’rsatib turishlari so’raladi. Avval kayfiyatlari bilan tanishiladi va shundan so’ng har doim ushbu kayfiyat siz bilan hamroh bo’lsin- deya tilak bildiriladi.

Qayta aloqa

Ishtirokchilar ‘’Men bugungi treingdan…’’ deya o’z fikrlarini boshlab, bu treningdan nimalarni o’rganganligi va tassurotlari so’raladi.