Kirish qismi: Mavzuning dolzarbligi

Bitiruv ishining tuzilishi va hajmi.

Bitiruv malakaviy ishi tuzilishiga ko‘ra kirish, II bob, umumiy xulosalar va foydalanilgan adabiyotlar ro‘yxatidan iborat.

NAZARIY QISM:
I BOB. “ADABIY TANQID FAN SIFATIDA, UNING IJTIMOIY-ESTETIK MOHIYATI, MAQSADI VA VAZIFALARI” MAVZUSINI O‘QITISHNING NAZARIY MASALALARI
«Adabiy tanqid»tushunchasi, lug‘aviy va istilohiy ma’nolari. Adabiy tanqid ilmda o‘ziga xos hodisa dastlab Platon, Aristotel, Aristarx faoliyatlarida antik zamonda namoyon bo‘ldi.

Badiiy asar paydo bo‘lishi bilan unga baho berilishi zamiridagi estetik uzv adabiy tanqidning dunyoga kelishini taqozo etadi. Bunday hol umumjahon miqyosidagi adabiy tanqidiy tafakkurning paydo bo‘lishi uchun umumiy qonuniyat sanaladi. Shu tariqa adabiy tanqidning ilk namunalari folklor asarini yaratuvchilar hamda uni tinglovchilar toifasiga mansubdir deyish mumkin. Shunday holat o‘zimizning baxshilar va ular ijrosidagi asarlarni tinglovchilar uchun ham xos bo‘lgan. Bu hol adabiy tanqid hodisasining qadimiyligidan guvohlik beradi, albatta.

Adabiy tanqid asosan harakatdagi adabiy jarayonni tekshiradi, yangi paydo bo‘layotgan asarlar talqin vositasida taraqqiyot tamoyillari haqida xulosa chiqaradi, adabiy jarayonga, yangi mezonlar shaklanishiga ta’sir etadi. Adabiy tanqid zamonaviy badiiy asarlarni xalq hayoti, uning estetik ehtiyoj va talablari jihatidan o‘rganadi, baholaydi, fazilat, nuqsonlarini aniqlaydi, yozuvchilarning ijodiy o‘sishlariga va adabiyotning ravnaqiga ko‘maklashadi.