Магистрлик ишининг тузилиши . Магистрлик иши кириш, ... боб, .... қисм, хулоса, адабиётлар рўйхати ва иловадан иборат.
Тадқиқотнинг вазифалари: Тадқиқ қилаётган ишимизнинг қуйидаги вазифалари мавжуд. Булар:
-психология фанида оилавий муносабатларда низолар шаклланиши муаммосининг ўрганилганлик ҳолатини таҳлил қилиш;
-оилавий муносабатларда эр-хотин ўртасидаги фикрларнинг номутаносиблигига олиб келувчи омилларни, уларнинг ҳамкорлигини ифодаловчи ҳолатларга аниқлик киритиш;
-эр-хотин индивидуал психологик хусусиятлари, оиладаги қадриятлар мувофиқлиги, эр-хотинларнинг ролли установкаларини ўрганиш ва таҳлил қилиш;
-эр-хотинни низога бўлган мойиллиги ва уларнинг эмоционал ҳолатларини ўрганиш;
-оилавий муносабатларда низога олиб келувчи сабабларни ёритиш ва эр-хотин ўртасидаги низоларнинг психологик томонларини ўрганиш;
-самарали метод ва воситалар ёрдамида тажриба-синов ишларини олиб бориш ҳамда натижаларини таҳлил қилиш асосида хулосалар чиқариш ва амалий тавсияларни ишлаб чиқиш.
Тадқиқотнинг илмий янгилиги: Тадқиқотнинг янгиликлари қуйидагилардан иборат:
1.Оилавий муносабатларда низоларни келиб чиқишининг психологик томонларини ўрганиш мақсадида назарий манбаларни муайян мезонлар асосида таҳлил этилган ва умумлаштирилган.
2.Оилавий муносабатларда низолар келиб чиқишининг психологик, индивидуал омиллар, уларнинг мазмуни ва воситаларини оила қурганлик муддати турлича бўлган оилаларда ўрганилган.
2.Оилавий муносабатларда низоларни келиб чиқишини олдини олишга оид хулоса ва тавсияларни ишлаб чиқилган.
Тадқиқотнинг асосий масалалари ва фаразлари:Оилавий муносабатларда низоларнинг келиб чиқишига эр-хотиннинг хулқ-атвори, бир-бирига ҳурматни йўқлиги, эмоционал муносабати ва эр-хотинларнинг ролли установкалардаги номутаносиблик низоларнинг келтириб чиқариши мумкин.
Тадқиқот мавзуси бўйича адабиётлар шархи (таҳлили):Оилавий муносабатлар, улардаги психологик илиқ муҳит муаммосига тааллуқли адабиётларни таҳлил қилиш шуни кўрсатадики, таълим-таобия жараёни бир неча асрлар давомида буюк алломаларнинг диққат марказида турган. Чунончи, Шарқ мутафаккирларидан Муҳаммад Ибн Мусо Ал-Хоразмий, Абу Наср Фаробий, Абу Райҳон Беруний, Абу Али ибн Сино, Алишер Навоий. Абдурауф Фитрат3, Абдулла Авлоний ва бошқалар оила, одоб-ахлоқ масалалари ва оилада болаларни тарбиялаш муаммосига ўзларининг диққат-эътиборини қаратганлар ва ўзларидан кейинги, яъни бугунги кун авлодларига бебаҳо фикрларни мерос қилиб қолдирганлар.
Хориж тадқиқотчилари С.В.Ковалев4, В.А.Сисенко5, А.Г.Харчев6нинг асарларида оила-никоҳ муносабатлари, Дэвид Бернс, В.Е.Семенов, Машеров, Ю.Т.Тимофеевларнинг тадқиқотларида оилада низоли вазиятларни келиб чиқиши билан боғлиқ масалаларга диққат қаратганлар.
Республикамизнинг психолог олимларидан М.Г.Давлетшин7, Э.Ғ.Ғозиев8, Ғ.Б.Шоумаров9, В.М.Каримова10. Н.А.Соғинов, М.Х.Файзиева11 С.Салаева12, Н.Лутфуллаева, Х.А.Абдусаматов ва бошқа психологларнинг оила ва оилавий муносабатлар, ота-она ва фарзандлар, эр-хотин ўртасидаги муносабатлар, оилада бола тарбияси бўйича олиб борилган ишлари эътиборга лойиқ.
Do'stlaringiz bilan baham: |