Kirish kirish

KIRISH

• KIRISH
• Soʻnggi yillarda mamlakatimizda oliy ta’lim sifatini oshirishga qaratilgan bir qancha chora-tadbirlar amalga oshirilmoqda. Chunki, jahon talablari darajasidagi raqobatbardosh kadrlar tayyorlash maqsadida talabalarga dunyo standartlariga javob beradigan bilim va koʻnikmalar berish bugungi kunning eng dolzarb masalalaridan biri boʻlib qolmoqda. Mamlakatimizda “Matematik analiz” fanini oʻqitish boʻyicha uzoq yillardan beri toʻplangan boy tajriba hamda rivojlangan horijiy davlatlarning yetakchi Oliy ta’lim muassasalarining tajribalaridan foydalangan holda, shuningdek, ularning oʻquv dasturlaridagi asosiy adabiyotlardan foydalangan holda ko‘p o‘quv qo‘llsamalar yaratildi. Matematik analiz fani matematikaning fundamental boʻlimlaridan biri boʻlib, u matematikaning poydevori hisoblanadi. Matematik analiz kursi davomida koʻpgina tushuncha va tasdiqlar, shuningdek, ularning tatbiqlari keltiriladi. Matematik analiz fanining asosiy vazifasi shu fanning tushuncha, tasdiqlar va boshqa matematik ma’lumotlar majmuasi bilan tanishtirishgina boʻlmasdan, balki talabalarda mantiqiy fikrlash, matematik usullarni amaliy masalalarni yechishga qoʻllash koʻnikmalarini shakllantirishdan iborat.
• Matematik analiz fanining o‘qitilishidan maqsad – talabalarni matematikaning zaruriy ma’lumotlari majmuasi (tushunchalar, tasdiqlar va ularning isboti, amaliy masalalarni yechish usullari va boshqalar) bilan tanishtirishdan iboratdir. Ayni paytda, u talabalarni mantiqiy fikrlashga, to‘g‘ri xulosa chiqarishga, ularning matematik madaniyatini oshirishga xizmat qiladi.