Kirish I bob Adabiyotlar sharhi

Tadqiqot predmeti. Dizel yoqilg‘isini dearomatlash jarayonida samarali ekstragentlardan va arenlarga tanlab ta’sir etuvchi sorbentlardan foydalanish va dearomatlash jarayonining mazmun mohiyatini ochib berish.
Magistrlik dissertatsiya ishining maqsadi. Ekologik toza dizel yoilg‘isi komponenti olish maqsadida ekstraksiya usuli uchun yuqori samarali ekstragentlarni tanlash va dizel fraksiyasi uchun ekstraksion dearomatlash qonuniyatlarini tadqiq qilish. Shuningdek, mahalliy xom ashyo hisoblangan dizel yoqilg‘isini adsorbsion va ekstraksion usulda dearomatlash orqali dizel yoqilg‘isining ekpluatatsion va ekologik xususiyatlarini yaxshilashga hamda dizel yoqilg‘isiga qо‘yilayotgan Yevro 3 talablariga muvofiqlashtirishga qaratilgan.
Tadqiqot vazifalari. Magistrlik dissertatsiya ishining maqsadidan quyidagi vazifalar kelib chiqadi:
-og‘ir dizel fraksiyasining umumlashgan xom-ashyo modelini ishlab chiqish;
–mahalliy dizel yoqilg‘isini adsorbsion dearomatlash jarayoning о‘tkazish uchun yoqilg‘i tarkibida uchraydigan arenlarga tanlab ta’sir etuvchi adsorbentlarni tanlash;
–tanlab olingan adsorbentning fizikokimyoviy tavsifini aniqlash, uni faollashtirish usullarini ishlab chiqish, dinamik va statik sharoitda uning neft komponentlari bо‘lgan arenlarga nisbatan sorbsiyalash hajmini aniqlash;
–dizel yoqilg‘isi tarkibidagi aromatik, parafinlar va naften qatori uglevodorodlar miqdorining guruh tarkibini hamda aromatik uglevodorodlarning sifat va tarkibini aniqlash;
-ekstraksion dearomatlash jarayonida qо‘llash uchun tо‘g‘ri haydab olingan dizel fraksiyasining muqobil fraksion tarkibini tanlash;
- og‘ir dizel yoqilg‘isini bir marta ekstraksiya qilish uchun qо‘llanilayotgan ekstragentlarning tajriba tadqiqot qonuniyatlarini о‘rganish;
-ekologik toza dizel yoqilg‘isi olish uchun ekstraksion dearomatlash jarayonini ichiga olgan og‘ir dizel fraksiyasini qayta ishlash uchun prinsipial texnologik sxemasini ishlab chiqish.
–aromatik uglevodorodlarning silikagelga adsorbsiyalanish va desorbsiyalanish nazariy asoslarini hamda ekstraksion usulda dizel yoqilg‘isini dearomatlashda qо‘llanilgan ekstragentlarning ta’sir mexanizmlarini amaliy natijalar asosida asoslash;