Кириш. Фаннинг предмети ва вазифалари

Илмий-техникавий фаолият натижасини акс эттирувчи қуйидаги кўрсаткичлар назарда тутилади:
патент статистикаси;
технологик тўлов баланси;
юқори ишлаб чиқариш технологиялар бозори.
мамлакатдаги олий маьлумотли аҳолининг улуши;
илмий тадқиқотларда хусусий капиталнинг улуши;
янги саноат намуналари;
тадқиқотчилар сони ва ўртача ёши;
мамлакатнинг халқаро кашфиётлар ва илмий ишланмалардаги улуши илмий-техникавий марказларнинг сони;
ЯИМда иқтисодиётнинг инновацион сектори улуши;
халқаро савдо айланмасида юкори технологияли товар, иш, хизматларнинг улуши ва х.к.
Миллий иқтисодиётда корхоналарда инновацион технологияларни ривожлантиришда хорижий инвестицияларнинг аҳамияти ниҳоятда катта бўлиб, у қуйидагилар билан изоҳланади:
биринчидан, ишлаб чиқаришга замонавий техника ва технологияларни жорий этиш орқали экспортга мўлжалланган маҳсулотларни ишлаб чиқаришни ривожлантиради;
иккинчидан, импорт ўрнини босувчи товар ишлаб чиқаришни йўлга қўйиш ва бунинг учун хорижий инвестицияларни иқтисодиётнинг устувор соҳаларига йўналтириш ва пировардида аҳолининг меъёрдаги турмуш даражасини таъминлаш имконини яратади;
учинчидан, кичик бизнесни ривожлантириш ва корхоналарни ишлаб чиқаришини кенгайтириш орқали ўсиб бораётган аҳолини иш жойлари билан таъминлайди;
тўртинчидан, корхоналарнинг эскирган ишлаб чиқариш қувватларини, моддий-техник базасини янгилайди ва техник қайта қуроллантиради.
Иқтисодий ривожланган мамлакатлар инновацион ривожланиши моделларининг уч тури фарқланади:
1. Фанда пешқадамликка, илмий ишлаб чиқариш жараёнининг барча босқичларини қамраб оладиган, қоида тариқасида, илмий-инновацион имкониятларнинг мудофаа секторидаги улуши анча катта бўлган кенг кўламли мақсадли лойиҳаларни амалга оширишга қараб мўлжал оладиган мамлакатлар (АҚШ, Англия, Франция).
2. Инновацияларни тарқатиш, қулай инновацион муҳитни яратиш, иқтисодиёт структурасини оқилоналаштиришга қараб мўлжал оладиган мамлакатлар (Германия, Швеция, Швейцария).
3. Инновацион инфратузилмани ривожлантириш, жаҳон илмий-техника тараққиёти ютуқларига таъсирчанликни таъминлаш, фан ва технологиялар соҳасида турли секторларнинг ҳаракатларини мувофиқлаштириш йўли билан инновацияларни рағбатлантирувчи мамлакатлар (Япония, Жанубий Корея).