Кириш. Электр аппарати бу электр энергиясини истеъмол қилувчи ва

Электр аппартларига қўйиладиган талаблар 
 
Электр аппаратларига қўйиладиган талаблар хар хил бўлиб, улар аппаратни 
вазифасидан, ишлаш шароитларидан, зарур бўлган чидамлилиги ва бошқа 
кўрсаткичларидан келиб чиқади. Аммо хама аппаратлар учун умумий бўлган 
аппаратларни ёзиш мумкин: 
1.Номинал иш режимида аппаратнинг ток ўтказувчи элементларининг 
харорати ДАСТ ёки бошқа норматив хужжат билан тавсия этилган 
кўрсаткичлардан ошиб кетмаслиги керак. 
Қисқа туташув вақтида аппарат ток ўтказувчи қисмлари ката термик ва 
динамик юкламаларга учрайди. Бу юкламалар қисқа туташув бартараф
этилганидан сўнг аппаратни ишлаш қобилиятини бузадиган ортиқча 
ходисаларни келтириб чиқармаслиги керак. 
2.Тез-тез улаб узишга мўлжалланган аппаратлар етарли даражада емирилишга 
чидамли бўлиши керак. 
3.Қисқа туташув токларини узувчи аппаратларнинг контактлари шу иш 
режимига хисобланган бўлиши керак. 
4.Электр аппаратларининг изоляцияси иш шароитида юз бериши мумкин 
бўлган ўта кучланишларни кўтара олиши ва вақт ўтиши билан намлик, чанг ва 
ифлосланиш натижасида изоляцияни хусусиятларини пасайишини хисобга 
олувчи маълум захирага эга бўлиши керак. 
5.Хар бир аппаратга унинг вазифасидан келиб чиққан холда бир қатор 
специфик талаблар қўйилади. Масалан, юқори кучланиш ўчиргичи қиска 
туташув токини жуда қиска вақтда 0,04-0,06 секундда ўчириши керак. Ток 
трансформатори белгиланган қийматдан ошмайдиган бурчак ва ток 
хатоликларини бериши керак. 
6. Мураккаб автоматлаштириш схемаларини қўллаш ва ишлаб чиқариш 
жараёнларини кенг кўламда автоматлаштирилиши сабабли ишда ижро 
этадиган аппаратлар сони ортади. Электр аппаратларини иш жараёнида 
ишламай қолиши уларни резервлашга ва носозликларни изловчи махсус 
схемаларни қўллашни талаб этади. Шу сабабли электр аппарати юкори 
чидамлиликка эга бўлиши керак. 
7. Аппаратнинг масса хажм кўрсаткичлари, уларни ўрантиш хамда хизмат 
кўрсатишга кетадиган харажатлар ва вақт минимал бўлиши керак. 
Замонавий талабга жавоб берадиган электр аппаратларининг хизмат 
муддати 25 йил бўлиб шу давр ичида аппарат ремонтга ёки мураккаб 
ревизияга учрамаслиги керак.