Кириш асосий қисм триангуляция лойиҳасини тузиш

ТРИАНГУЛЯЦИЯ БЎЙИЧА БАЛАНДЛИКЛАРНИ ҲИСОБЛАШ

1. 
   КИРИШ
   
2. 
   АСОСИЙ ҚИСМ
   

1. 
   Триангуляция лойиҳасини тузиш
   
2. 
   Триангуляция белги баландлигини ҳисоблаш
   

3. 
   ХУЛОСА
   
4. 
   АДАБИЁТЛАР
   

Кириш


Триангуляция усули. Триангуляция учбурчаклар қатори ёки тўри шаклида барпо этилади
Учбурчакнинг барча бурчаклари, учбурчак қаторидаги бошланғич ва охирги учбурчакларнинг бирор томонини узунлиги (базис томони) ўлчаниши лозим. Ҳар бир учбурчакнинг ички бурчакларини ўлчаш учун уларнинг учлари бир биридан кўриниши керак. Шунинг учун учбурчак учлари сифатида баланд нуқталар танланади, акс ҳолда учбурчак учларига сигналлар ёки пирамидалар ўрнатилади. Барпо этилган учбурчаклар мумкин қадар тенг томонли бўлиши керак. Учбурчак учлари (пунктлар) узоқ вақт сақланиши учун жойда мустаҳкам сақланадиган доимий белгилар билан белгиланади. Бу белгилар марказ деб аталади. Учбурчакларнинг томон узунликлари синуслар теоремасидан фойдаланиб ҳисобланаи.

Триангуляция лойиҳасини тузиш
Триангуляция лойиҳаси топографик хариталарда тузилади. 1 ва 2 класс триангуляциялар лойиҳаси одатда 1:100000, 3 ва 4 класс триангуляция лойиҳаси 1:50000, 1:25000 ва 1:10000 масштабдаги топографик хариталарда тузилади. 1 ва 2 разрядли триангуляция тўрларини лойиҳалашни 1:25000, 1:10000 масштабдаги топографик хариталарда бажариш мақсадга мувофиқ бўлиб лойиҳага аниқлик киритишда бундан йирик бўлган масштабдаги топографик хариталардан фойдаланилади.
Лойиҳа тузиш жойни топографик-геодезик ўрганилганлиги бўйича материаллар йиғишдан бошланади. Бунга ушбу ҳудудда олдин мавжуд бўлган триангуляция пунктларининг планли ва баландлик координаталар каталоги, ҳудуднинг барча масштабларда мавжуд топографик хариталари ва аэрофотосъёмкалари киради. Олдин бажарилган ишлар ўрганилгандан сўнг лойиҳа тузилаётган район дала шароитида ўрганилади, бунда хақиқатдан ҳам пунктлар ва уларнинг марказлари сақланиб қолганлиги аниқланади.
Лойиҳалаш бевосита топографик харитада бажарилади. Пунктлар ўрни учун жойнинг баланд ерлари танланади, чунки пунктдан барча йўналишлардаги ёки иложи борича кўп йўналишлардаги пунктлар кўриниши керак. Координаталарда келиб чиқиши мумкин бўлган хатоликларни камайтириш учун лойиҳаланган тўрда ўткир бурчаклар бўлмаслиги мақсадга мувофиқ. Юқорида айтганимиздан шундай хулосага келиш мумкин: триангуляция пунктлари рельефнинг сув айириғич чизиқларининг ҳукумрон тепаларида жойлашади, учбурчак бурчаклари 30º дан 120º гача бўлиши, 1 класс триангуляцияда эса 40º дан кам бўлмаслиги керак. Шу сабабли лойиҳалашда ишлатилаётган топографик харитада сув айириғич чизиқлар қизил чизиқ билан чизиб чиқилади.
Триангуляция класси ва рельефга боғлиқ ҳолда томон узунликлари лойиҳаланади. 1 класс триангуляциясини лойиҳалашда визир чизиғининг ердан баландлиги 5 - 6 метр бўлиши кераклиги эътиборга олиниши лозим. Рефракция таъсирини камайтириш мақсадида йўналишлар катта дарьёлар, кўллар, сув омборлари, тепалик ва тоғ ёнбағирлари бўйлаб, ҳамда шаҳарлар ва заводлар устиларидан ўтмаслиги зарур. Иложи бўлмаган тақдирда дарёлар, тепалик ва тоғ ёнбағирларини тўғри бурчак остида кесиб ўтиш керак.
Лойиҳаланган триангуляция тўри бутун харита трапециясини бир текисда қоплаши ва узлуксиз (диагонал йўналишларсиз) бўлиши керак.