Kirish – poezdga peregondan stansiyaga kirishga ruхsat beradi yoki taqiqlaydi; chiqish

6. Svetoforlardan (qaysi joyga o’rnatilganidan va ularning turidan qat’iy nazar) uzatiladigan asosiy signallarining ma’nosi quyidagicha:
bitta yashil chiroq - «Belgilangan tezlikda harakatlanishga ruхsat etiladi»;
bitta sariq o’chib–yonuvchi chiroq - «To’хtashga tayyor bo’lgan holda belgilangan tezlikda harakatlanishga ruхsat etiladi, keyingi svetofor ochiq va kamaytirilgan tezlikda o’tishga ruхsat beriladi; poezd strelkali o’tkazgichdan og’ishgan holda o’tadi, keyingi svetofor ochiq»;
bitta sariq chiroq - «To’хtashga tayyor bo’lgan holda harakat qilishga ruхsat etiladi; keyingi svetofor yopiq»;
ikkita sariq chiroq, ulardan yuqoridagisi o’chib-yonuvchi –«Svetofordan cheklangan tezlikda o’tishga ruхsat beriladi; poezd strelkadan og’ishgan holda o’tadi, keyingi svetofor ochiq»;
ikkita sariq chiroq - «Svetofordan kamaytirilgan tezlikda o’tishga va keyingi svetofor oldida to’хtashga tayyor bo’lgan holda harakatlanishga ruхsat etiladi; poezd strelkali o’tkazgich orqali og’ishgan holda o’tadi»;
bitta qizil chiroq - «To’хta! Signaldan o’tish taqiqlanadi».
Sanab o’tilgan signallarning turli hil svetoforlarda qo’llanilishi mazkur Yo’riqnomaning tegishli punktlarida ko’zda tutilgan. Ushbu signallarning mazkur Yo’riqnomada ko’zda tutilmagan hollarda ularning signal ma’nolarini saqlagan holda qo’llanilish tartibi «O’zbekiston temir yo’llari» Davlat aksiyadorlik temir yo’l kompaniyasi (keyinchalik matnda DATK) tomonidan «O’zdavtemiryo’lnazorat» inspeksiyasi bilan kelishilgan holda belgilanadi.

KIRISH SVETOFORLARI

7. Kirish svetoforlari quyidagi signallarni uzatadi:
bitta yashil chiroq - «Poezdga stansiyaning asosiy yo’lidan belgilangan tezlikda ketib borishga ruхsat etiladi; keyingi svetofor (marshrut yoki chiqish) ochiq» (rasm 2.1, a);
bitta sariq o’chib–yonadigan chiroq - «Poezdga stansiyaning asosiy yo’lidan belgilangan tezlikda ketib borishga ruхsat etiladi; keyingi svetofor (marshrut yoki chiqish) ochiq va uni pasaytirilgan tezlikda o’tish talab qilinadi» (rasm 2.1, b); 

a)	b)
Rasm 2.1