Kirish ­­­ 3 Tijorat Banklarini Litsenziyalash 7

3. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
zbekiston Respublikasi Markaziy banki Boshqaruvining 2009-yil 15-avgustdagi 23/3-sonli qaroriga
ILOVA
Banklarni ro‘yxatga olish va ular faoliyatini litsenziyalash tartibi to‘g‘risida
NIZOM
Oldingi tahrirga qarang.
Mazkur Nizom O‘zbekiston Respublikasining “O‘zbekiston Respublikasining Markaziy banki to‘g‘risida”gi, “Banklar va bank faoliyati to‘g‘risida”gi, “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi hamda “Qimmatli qog‘ozlar bozori to‘g‘risida”gi qonunlariga muvofiq O‘zbekiston Respublikasi hududida banklarni ro‘yxatga olish va ularga bank operatsiyalarini amalga oshirish huquqini beruvchi litsenziya (bundan keyingi o‘rinlarda litsenziya deb yuritiladi) berish tartibini belgilaydi.
(muqaddima O‘zbekiston Respublikasi Markaziy banki Boshqaruvining 2015-yil 22-iyuldagi 19/9-sonli qarori (ro‘yxat raqami 2014-9, 30.07.2015-y.) tahririda — O‘R QHT, 2015-y., 30-son, 405-modda)
I. Umumiy qoidalar
1. Ushbu Nizomda quyidagi asosiy tushunchalardan foydalaniladi:
bank — tijorat tashkiloti bo‘lib, O‘zbekiston Respublikasi Markaziy banki (bundan keyingi o‘rinlarda Markaziy bank deb yuritiladi) tomonidan berilgan litsenziya asosida bank faoliyati deb hisoblanadigan yuridik va jismoniy shaxslardan omonatlar qabul qilish hamda qabul qilingan mablag‘lardan tavakkal qilib kredit berish yoki investitsiyalash uchun foydalanish, to‘lovlarni amalga oshirish kabi faoliyatlar majmuini amalga oshiradigan yuridik shaxs;
Keyingi tahrirga qarang.
bank aksiyadori — bank aksiyalariga qonun hujjatlarida belgilangan tartibda ega bo‘lgan yuridik yoki jismoniy shaxs;
litsenziyalash departamenti — litsenziya olish uchun taqdim etilgan hujjatlarni ko‘rib chiqish vazifalari yuklatilgan Markaziy bankning tarkibiy tuzilmasi;