Kirish ­­­ 3 Tijorat Banklarini Litsenziyalash 7

54. O‘zbekiston Respublikasi hududida norezident banklarning filiallarini tashkil etilishiga yo‘l qo‘yilmaydi.
55. Chet el kapitali ishtirokidagi banklar va chet el bankining sho‘ba banklarida — bosh buxgalter, boshqaruv raisi o‘rinbosari lavozimlariga, boshqaruv raisi o‘rinbosarlari bir kishidan ko‘p bo‘lgan banklarda esa — birinchi o‘rinbosar lavozimiga O‘zbekiston Respublikasi fuqarolari tayinlanadi.
56. Chet el kapitali ishtirokidagi banklarda bank kengashi a’zolarining hech bo‘lmaganda bittasi O‘zbekiston Respublikasi fuqarosi bo‘lishi lozim, chet el bankining sho‘ba banklari bundan mustasno.
57. Bankni tashkil etishda norezident bank ishtirok etgan hollarda Markaziy bank qo‘shimcha ravishda quyidagi omillarni ko‘rib chiqadi:
norezident bank mamlakatidagi nazorat darajasi va sifati;
Oldingi tahrirga qarang.
norezident bankning Fitch Ratings, Moody’s yoki Standart and Poor’s tasniflari bo‘yicha kredit reytingi;
(57-bandning uchinchi xatboshisi O‘zbekiston Respublikasi Markaziy banki Boshqaruvining 2014-yil 27-dekabrdagi 46/2-sonli qarori (ro‘yxat raqami 2014-8, 14.01.2015-y) tahririda — O‘R QHT, 2015-y., 2-son, 23-modda)
norezident bank mamlakatida omonatlarni muhofaza qilish tizimi;
Oldingi tahrirga qarang.
norezident bank mamlakatidagi iqtisodiy va siyosiy ahvol.
(57-bandning beshinchi xatboshisi O‘zbekiston Respublikasi Markaziy banki Boshqaruvining 2014-yil 27-dekabrdagi 46/2-sonli qarori (ro‘yxat raqami 2014-8, 14.01.2015-y) tahririda — O‘R QHT, 2015-y., 2-son, 23-modda)
Markaziy bank mazkur bandda qayd etilgan omillarni belgilash maqsadida quyidagilar bilan munosabatlarni o‘rnatadi:
norezident bank mamlakatida bank nazoratini amalga oshiruvchi organ bilan;
norezident bank mamlakatida huquqni muhofaza qiluvchi organlar bilan;
norezident bank mamlakatidagi fiskal organlar bilan.
58. Bankni tashkil etishda norezident bank ishtirok etsa, muassislar mazkur Nizomning 49-bandida keltirilgan hujjatlarga qo‘shimcha ravishda quyidagi hujjatlarni taqdim etadilar: