Kirish ­­­ 3 Tijorat Banklarini Litsenziyalash 7

iqtisodiyot sohasidagi jinoyat uchun yoki boshqaruv tartibiga qarshi jinoyat uchun olib tashlanmagan sudlanganlikka ega bo‘lgan shaxslar;
jamiyatning ma’naviy tamoyillari va axloqiy normalariga, shuningdek, ish odobi qoidalariga hurmatsizlik bilan munosabatda bo‘lgan shaxslar.
(13-band O‘zbekiston Respublikasi Markaziy banki Boshqaruvining 2011-yil 19-fevraldagi 6/1-sonli qarori (ro‘yxat raqami 2014-2, 14.03.2011-y) tahririda — O‘R QHT, 2011-y., 10-11-son, 112-modda)
Oldingi tahrirga qarang.
14. Bank muassislari bo‘lgan yuridik shaxslar moliyaviy jihatdan barqaror bo‘lishlari lozim. Quyidagi holatlardan biri mavjud bo‘lganda, yuridik shaxs moliyaviy jihatdan barqaror emas deb hisoblanadi:
(14-bandning birinchi xatboshisi O‘zbekiston Respublikasi Markaziy banki Boshqaruvining 2011-yil 19-fevraldagi 6/1-sonli qarori (ro‘yxat raqami 2014-2, 14.03.2011-y) tahririda — O‘R QHT, 2011-y., 10-11-son, 112-modda)
balansning nolikvidligi;
to‘lovga qobiliyatsizlik yoki bankrotlik;
bu yuridik shaxs rasmiy ravishda bankrot deb e’lon qilinishidan qat’i nazar, uning passivlarining aktivlaridan oshib ketishi;
yuridik shaxsning majburiyatlari bank barqarorligiga nisbatan muayyan tavakkalchiliklarni yuzaga keltirsa;
yuridik shaxs taqdim etgan moliyaviy hujjatlar bu shaxs zarur hollarda bank ustav kapitalidagi ulushini oshira olmasligini ko‘rsatsa;
yuridik shaxs tomonidan bank aksiyalarining sotib olinishi natijasida bankka yoki uning omonatchilariga moliyaviy xavf solinishi mumkinligini ko‘rsatuvchi boshqa hollar ma’lum bo‘lsa.
15. Quyidagi shaxslar bank muassislari bo‘la olmaydilar:
mazkur Nizomning 13-bandi talablariga nomuvofiq deb hisoblangan shaxslar;
offshor hududlarda ro‘yxatga olingan norezident yuridik shaxslar;
offshor hududlarda istiqomat qiladigan chet el fuqarolari;
davlat boshqaruvi organlari, mahalliy davlat hokimiyati organlari, jamoat birlashmalari va diniy tashkilotlar, jamoat fondlari, xalqaro nodavlat notijorat tashkilotlari, budjetdan tashqari jamg‘armalar, agar qonun hujjatlarida boshqacha holatlar ko‘zda tutilmagan bo‘lsa.