Kirish ­­­ 3 Tijorat Banklarini Litsenziyalash 7

III. Bankning ta’sis etilishi
16. Muassislar aksiyadorlik jamiyati shaklidagi bankni tashkil etish uchun avval ta’sis shartnomasini imzolaydilar, so‘ngra ta’sis yig‘ilishini o‘tkazadilar.
Oldingi tahrirga qarang.
17. Mazkur harakatlar muassislar tomonidan O‘zbekiston Respublikasining “Aksiyadorlik jamiyatlari va aksiyadorlarning huquqlarini himoya qilish to‘g‘risida”, “Qimmatli qog‘ozlar bozori to‘g‘risida”gi qonunlari hamda aksiyadorlik jamiyatlari faoliyatini tartibga soluvchi boshqa qonun hujjatlariga rioya etilgan holda amalga oshiriladi.
(17-band O‘zbekiston Respublikasi Markaziy banki Boshqaruvining 2014-yil 27-dekabrdagi 46/2-sonli qarori (ro‘yxat raqami 2014-8, 14.01.2015-y) tahririda — O‘R QHT, 2015-y., 2-son, 23-modda)
18. Bankni tashkil etish to‘g‘risidagi ta’sis shartnomasida quyidagilar bo‘lishi lozim:
bankni ta’sis etish borasida birgalikda faoliyat ko‘rsatish tartibi;
bank ustav kapitali miqdori;
muassislar o‘rtasida joylashtirilishi lozim bo‘lgan aksiyalar turlari, ularning nominal qiymati, har xil turdagi aksiyalarning nisbati, ularni to‘lash miqdori va tartibi;
muassislarning bankni tashkil etishga doir huquq va burchlari.
Ta’sis shartnomasiga muassislarning kelishuviga muvofiq boshqa shartlar ham kiritilishi mumkin.
IV. Bank ustavi
Oldingi tahrirga qarang.
19. Bank ustavida quyidagi ma’lumotlar bo‘lishi lozim:
bankning to‘liq va qisqartirilgan nomi hamda uning joylashgan yeri (pochta manzili) va elektron pochta manzili;
bank operatsiyalarining ro‘yxati, maqsadi va faoliyat muddati;
ustav kapitalining miqdori, muassislar ro‘yxati, ustav kapitalidagi ulushlarning taqsimlanishi;
ustav kapitalini ko‘paytirish yoki kamaytirish tartibi;
chiqarilayotgan aksiyalar turlari va soni, ularning nominal qiymati, har xil turdagi aksiyalarning nisbati;
sof foyda va dividendlarni taqsimlash hamda zararlarni qoplash tartibi;