Kimyoviy bog‘lanish

98-6son-26.
110. Elektron formulasi qanday bo‘lgan elementlar juftligi molekulyar kristall panjarali modda hosil qila oladi?
1) 1s²2s¹ 2) 1s²2s²2p¹ 3) 1s²2s²2p³ 4) 1s²2s²2p²
5) 1s²2s²2p⁶ 6) 1s²2s²2p⁴
A) 1 va 3 B) 2 va 5 C) 3 va 5 D) 1 va 5 E) 4 va 6
98-6son-35.
111. Uglerod sulfid (S₂C) molekulasidagi bog‘lovchi elektron juftlar qaysi atom tomon siljigan bo‘ladi?
A) qisman oltingugurt atomi tomon
B) ikki atomning teng o‘rtasida
C) qisman uglerod atomi tomon
D) uglerod atomi tomon ko‘proq
E) oltingugurt atomi tomon ko‘proq
98-8son-46.
112. Quyidagi elementlarni ularning nisbiy elektromanfiyligi ortib borish tartibida joylashtiring.
1) azot 2) ftor 3) bor 4) kislorod 5) uglerod
6) vodorod
A) 1,2,3,5,6,4 B) 3,6,5,1,4,2 C) 1,2,3,4,6,5
D) 2,1,3,6,4,5 E) 3,4,2,1,5,6
98-8son-49.
113. II-davr elementlarining qaysi guruhlarida joylashgan bosh guruhcha elementlarining birikmalari elektron donorlik xususiyatiga ega bo‘lishi mumkin?
A) 1,3,5 B) 2,4,6 C) 2,5,7 D) 5,6,7 E) 1,2,3
98-8son-50.
114. II-davr elementlarining qaysi guruhlarida joylashgan bosh guruhcha elementlarining birikmalari elektron juftlar qabul qilib, akseptorlik xususiyatiga ega bo‘lishi mumkin?
A) 1,2,4 B) 2,3,4 C) 3,4,5 D) 2,6,7 E) 1,2,3
98-8son-51.
115. II-davr elementlari qatorida chapdan o‘ngga o‘tish tartibida nisbiy elektroman-fiylik (NEM) qiymatining o‘zgarish qonuniyati va uning sabablarini qaysi holatda tushuntirish to‘laroq bo‘ladi?
A) Ko‘rsatilgan yo‘nalishda NEM qiymati ortib boradi, chunki shu tartibda elementlarning radiusi kamayadi va ionlanish potensiali ortib boradi, shu yo‘nalishda elementlarning elektronga moyilligi ham ortib boradi
B) NEM qiymati o‘ngdan chap tomonga ortib boradi, chunki shu tartibda elementlarning elektron berish qobiliyati ortib boradi,shu tartibda elementlarda metallik xususiyati ham kuchayib boradi
C) Elementlar atomida NEM qiymati oddiy modda atom kristall panjaraga ega bo‘lganda maksimal bo‘ladi, shu sababli davr boshidan 4 guruhgacha NEM qiymati ortib boradi va davr oxiriga siljiganda yana kamaya boradi, oxirgi elementlarda metallmaslik xususiyati kuchayib boradi
D) Davr boshlanishida joylashgan elementlarda elektron berish xususiyati katta; davr oxiridagi elementlarda esa elektron qabul qilib olish kuchli, shu sababli davr boshida va oxirida NEM qiymati katta bo‘lib, davr o‘rtasida bu qiymat nisbatan kichik bo‘ladi.
E) Davriy sistemada davr bo‘ylab elementlarning NEM qiymati bironta qonuniyat bo‘yicha o‘zgarmaydi, bu qiymat valent pog‘onadagi toq elektronlar soniga bog‘liq.