Kimyo ta’limida qo’llaniladigan interfaol metodlar tasnifi

“KUNDALIK DAFTAR” METODI

Kundalik daftar yuritish metodi. Guruhning har bir a‘zosiga yon cho‘ntak
daftarchasi tarkatiladi. Unga, aytaylik, bir hafta davomida muhokama qilinadigan
muammo bo‘yicha tug‘ilgan fikrlar qayd qilib boriladi. Barcha ishtirokchilarning
yozib borgan fikrlari peshqadamlar tomonidan tahlil qilinib, tayyorlangan material
ohirgi muhokamaga olib chiqiladi. Bu metod quyidagi jihatlari bilan ajralib turadi:
birinchidan, tug‘ilgan g‘oya, aniq rastional taklif o‘sha guruhning fikri darajasiga
ko‘tariladi, ikkinchidan, turli xildagi tortishuvlar, nuqtayi nazarlar guruh
majlisigacha hal qilinadi, keskinlashgan nuqtayi nazarlar ham tekislanadi.

“XULOSALASH” (REZYUME, VEER) METODI

Bu metod murakkab, koʻp tarmoqli, mumkin qadar, muammoli xarakteridagi mavzularni oʻrganishga qaratilgan. Metodning mohiyati shundan iboratki, bunda mavzuning turli tarmoqlari boʻyicha bir xil axborot beriladi va ayni paytda, ularning har biri alohida aspektlarda muhokama etiladi. Masalan, muammo ijobiy va salbiy tomonlari, afzallik, fazilat va kamchiliklari, foyda va zararlari boʻyicha oʻrganiladi. Bu interfaol metod tanqidiy, tahliliy, aniq mantiqiy fikrlashni muvaffaqiyatli rivojlantirishga hamda oʻquvchilarning mustaqil gʻoyalari, fikrlarini yozma va ogʻzaki shaklda tizimli bayon etish, himoya qilishga imkoniyat yaratadi.
“Xulosalash” metodidan ma‘ruza mashgʻulotlarida individual va juftliklardagi ish shaklida, amaliy va seminar mashgʻulotlarida kichik guruhlardagi ish shaklida mavzu yuzasidan bilimlarni mustahkamlash, tahlili qilish va taqqoslash maqsadida foydalanish mumkin.