Kimyo kechasi

6-O`quvchi(Azot):
Jadvalga qarab boqing,beshinchi guruhga siz
Yuqorida yettinchi albat meni ko`rasiz
Mening nomim Azotdir ma`nosidir «Hayotsiz»
Chunki nafas olish uchun men emishman yaroqsiz
Atmosfera havosida yetmish foizdan ko`pman
Tuproq ichida esa birikmalarda ko`pman
Azot -oqsil ,oqsil esa hayot, tiriklik degani
Biling, mensiz asli hayot mangu yo`qlik degani
Sizga sodda qilib aytay: selitrani bilasiz
Dala-dashtda ekinlarni menla yetishtirasiz
Fosfor,Mishyak,Surma kabi sheriklarim safda bor
Birgalikda bir guruhmiz bir xil xossa bizda bor
7-O`quvchi ( Kislorod):
Salom do`stu birodar aqlni soling ishga,
Meni eshtsangiz gar tanish chiqaman sizga.
Men shohiman olamda bori unsurlar ichra,
Hayot uchun kerakman yeru-koinot uzra.
Mensiz nafas ololmas hech bir tirik jonizot,
Xatto jonsiz toshga ham bera olaman hayot.
Vodorod do`stim bilan sherikchilik qilganmiz,
Suvdek obi hayotni biz-ku hosil qilganmiz.
Yondirishga ustaman ko`pdan-ko`p unsurlarni,
Oksidlayman hamma yerda kuchliyu kuchsizlarni.
8-O`quvchi (Ftor):
Hoy, maqtanchoq kislorodvoy bir past turing maqtanmay,
Bu dunyoda shohman deya ko`p o`zingizdan ketmang.
Garchi sizdan keyin turay, atom massam ziyod ancha,
Faqat bitta elektron bilan tugar pogonacham.
Oilamdir Galogenlar,tuzlar hosil qilamimz,
Metalmaslar ichida ham eng zo`r kuchli bu bizmiz.
Xlor ,Brom,Yod va Astat bir guruhda biz hayot
Hatto inert gazlarni ham men qila olaman mot.
9-O`quvchi ( Geliy):
Mana menga yetdi navbat, bir jumboqqa tuting quloq.
Men betaraf va beqaror, lek hayotda menman kerak.
Hech unsurdan kam emasman, ismimning ma`nosi-Nur,
Bobo quyosh-men,Vodorod ,hayot mendan boshlanur.
Men davogar emasdirman, kerakmas elektron,
O`zimnikin berolmasman ,bekorga bo`lmang hayron
Inert gaz deb atashadi guruh bilan bizlarni,
Ta `sirlasha olmayman xech ,qo`rqitmayman sizlarni.
Zamin uzra qaynoq nurman, qizdiraman olamni,
Yo`qdir borliq men bo`lmasam, har tong kutgaysiz meni.