Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

4-
BOB. KIMYO FANINING O‘QUV
-
METODIK TA’MINOTINI
RIVOJLANTIRISH
Kimyo fanini o‘qitish jarayonida o‘quv-metodik ta’minoti tarkibiga quyidagilar kiradi:
- kimyo fanidan Davlat ta’lim standarti;
- kimyo fani o‘quv dasturi;
- o‘quv kurslarining darslik va o‘quv qo‘llanmalari;
- elektron darsliklar, elektron o‘quv qo‘llanmalar;
- fan o‘qituvchilari uchun metodik qo‘llanmalar;
- zamonaviy o‘quv laboratoriya asbob-uskunalari;
- o‘quvchilar uchun didaktik tarqatma materiallar;
- elektron ishlanmalar, ko‘rgazmali plakatlar, videomahsulotlar (multimedia 
mahsulotlari, interfoal doskalar, virtual laboratoriyalar, o‘quv filmlar, slayd-taqdimotlar, 
namoyish eksperementlarni ko‘rsatuvchi animatsiyalar);
Kimyo fanining o‘quv-metodik ta’minotini rivojlantirish bo‘yicha quyidagi tadbirlar 
amalga oshiriladi:
ilg‘or xorijiy tajribalar, xalqaro standartlar va milliy an’analarning iqtisodiyot 
talablariga muvofiqlik, uyg‘unligida kimyo fani bo‘yicha Davlat ta’lim standartini ishlab 
chiqish;
kimyo fani bo‘yicha umumiy o‘rta ta’lim muassasalari bitiruvchilariga qo‘yiladigan 
malaka talablarini ishlab chiqish;

---

34
umumiy o‘rta ta’limning tayanch o‘quv rejasida belgilangan kimyo fani o‘quv 
yuklamasining minimal hajmi hamda ularning sinflar bo‘yicha taqsimoti yuzasidan 
takliflar tayyorlash;
tayanch o‘quv rejaga muvofiq kimyo fanining sinflar va mavzular bo‘yicha hajmi, 
mazmuni, o‘rganish ketma-ketligi va shakllantiriladigan kompetensiyalari asosida o‘quv 
dasturlarini ishlab chiqish;
kimyo fani bo‘yicha sinflar kesimida o‘quv-metodik majmualarni (darslik, laboratoriya 
ishi daftari, o‘qituvchi uchun metodik qo‘llanma, darsliklarning multimediali ilovasi) 
yangi avlodini bosqichma-bosqich ishlab chiqish;
kimyo fanining mazmuni, o‘ziga xos xususiyatlari, malaka talablari va 
shakllantiriladigan kompetensiyalardan kelib chiqqan holda baholash tizimini ishlab 
chiqish;
xavfsizlik texnikasi qoidalari va sanitariya-gigiyena talablarini ishlab chiqish.