Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

Kimyo fani bo‘yicha akademik litseylar (chuqurlashtirilgan) o‘quvchilarida 
shakllan-tiriladigan tayanch kompetensiyalar:
1. Kimyoviy jarayon va hodisalarni kuzatish, tushunish va tushuntirish 
kompetensiyasi:
Kimyoviy kattaliklarning Xalqaro birliklar tizimi (SI)ni, matematik ifodalarini 
mantiqiy bog‘liq holda tushunadi va tushuntira oladi. Olingan nazariy va amaliy 
bilimlardan fan, texnika va kundalik turmushda foydalana oladi. Kimyoviy qonun, qoida 
va qonuniyatlarning matematik ifodasini bir shakldan ikkinchi shaklga o‘tkaza oladi va 
tushuntirib bera oladi;
Kimyo bo‘limlariga oid kengaytirilgan asosiy tushunchalar, atamalar, fizikaviy 
va kimyoviy kattaliklar va ularning birliklari, qonuniyatlarini ta’limiy yo‘nalishlari 
(klassifikatsiyasi) bo‘yicha amaliyotda qo‘llay oladi;
Kimyoviy moddalarning olinishi va xossalarini namoyon qiladigan reaksiyalarni 
kuzatadi, tahlil qiladi va olgan bilimlarini tushuntira oladi;
Atom va molekulalarning tuzilishini zamonaviy ilmiy nuqtayi nazardan bayon qila 
oladi;
Tegishli qonunlarga doir masalalarni yecha oladi.
2. Tajribalar o‘tkazish, fizikaviy va kimyoviy kattaliklarni o‘lchash hamda 
xulosalar chiqarish kompetensiyasi:
Mustaqil ravishda tajriba qurilmalarini yig‘adi, tajriba o‘tkaza oladi va olingan 
natijalarni solishtira oladi, tahlil qila oladi;
Natijalarni jadval va grafik ko‘rinishda tasvirlay oladi va tegishli xulosalar chiqara 
oladi;
Fizikaviy va kimyoviy kattaliklarni aniqlash usullarini biladi;
Fizikaviy va kimyoviy kattaliklarni o‘lchovchi asboblarning ishlash prinsipini biladi; 
Tadqiqotchilik xususiyatlarini namoyon qila oladi;
Kimyoviy reaksiyalarni kuzatish orqali moddaning tuzilishi va xossalari haqida 
bilimlarga ega bo‘ladi;
Nazariy bilimlar asosida modda miqdori, reaksiya unumi hisoblashga doir masalalarni 
kimyoviy formulalar va standart matematik usullardan foydalangan holda yecha 
oladi, tajribaga tegishli bo‘lgan reaksiya tenglamalarini molekular, to‘liq va qisqa ionli 
ko‘rinishda ifodalab, tushuntira oladi.

---

106