Кимёвий технология Ўзбекистон республикаси олий ва ўрта махсус талим вазирлиги н. Каттаев, М. Мухаммадиев, Х. Мирзохидов

6.5 Контакт усули билан сульфат кислота ишлаб чиқариш

Сульфат кислота ишлаб чиқариш бешта бўлимни ўз ичига олади:

1. Печ бўлими (бунда қуруқ SO₂ ҳосил бўлади)
2. Ювиш бўлими (бунда SO₂ гази ҳўл усул билан таркибидаги қўшимчалардан яъни Н₂SO₄ нинг томчиларидан, сув буғларидан ва контакт заҳарларидан тўлиқ тозаланади)
3. Компрессор бўлими (бунда тозаланган газ суриб олиниб, контакт аппаратига юборилади)
4. Контакт бўлими ( бунда SO₂ гази каттализатор билан таъсирлашиб – тўқнашиб SO₃ га айланади)
5. Асорбция бўлими (бунда SO₃ сувга юттирилади ва Н₂SO₄ га айлантирилади)
SO₂ г а з и н и т о з а л а ш. Колчеданни куйдириб олинган куюнди газлари таркибида SO₂ (16% гача, одатда 7-9%), О₂ (9-11%), куюнди чанглари (200г/см³), қайновчи қатламда куйдирилганда куюнди чанглари асосан темир оксиди; озроқ темир сульфиди, мис сульфиди, Аs₂O₃ мишьяк оксиди SеO₂ селен оксидларини ушлайди. Бўлар каттализаторда “захарлaри” бўлиб, каттализаторни тез яроқсиз ҳолга келтиради. Шунинг учун ҳам SO₂ барча қўшимчалардан тозаланиши керак.
Куюнди газлари энг аввал циклонларда тозаланади (циклон аппарати жадвалига қаралсин), сўнгра газ иссиқлигидан буғ ҳосил қилиш учун (газ иссиқлиги 4000С бўлади), буғ қозонларига юборилади ва ҳароратси анча пасайгач, қуруқ электрофильтрлар орқали ўтказилади. Бу аппаратларнинг ҳаммаси заводнинг печ бўлимида жойлашган бўлади. Куюнди газларнинг таркибидаги қўшимчалар циклон аппаратидан ўтгач 20 г/м³ қолади. Қолган чанглар жуда майда бўлиб, улар электрофильтрдан ўтгач 0,1 г/м³ қолади холос.
SO₂ ни чанг заррачаларидан ҳамда Аs₂O₃, SеO₂ лардан батамом тозалаш мақсадида, (айниқса Аs₂O₃, SеO₂ лар каттализаторни қайтмас қилиб заҳарлайди) газ (SO₂) ювувчи минораларда махсус тозаланади. Унда газ ҳўлланади ва 30-50 С темпратурагача совутилади. Натижада газда туман, яьни жуда майда сув томчилари ҳосил бўлиб,конденсатсияланиб ажралиб чиқади.Бу томчиларда SO₃ ва As₂O₃ лар эриган бўлади. Шундай йўл билан каттализатор заҳарларидан газ батамом тозалангач қуритгич минораларда 93-95%-ли сульфат кислотада қуритилади. Сўнгра тоза ва қуруқ газ кoмпрессори ёрдамида контакт бўлимига юборилади.