Кимё фанидан абитуриентлар

575. Кремний(IV)-оксиднинг кимёвий хоссалари. Кремний(IV)-оксид кислотали оксид. У фақат иккита нарсада эрийди: плавик (фторид) кислота ва ишқорда. SiO₂+4HF=SiF₄+2H₂O; SiO₂+2KOH=K₂SiO₃+H₂O.
Шунинг учун шиша идишлар Н/ ва ишқорлар сақлаш учун яроқсиз ҳисобланади.
576. Силикат кислота ва унинг тузлари. Силикат кислота H₂SiO₃-кучсиз кислота. У ион алмашиниш реакциясида чўкмага
тушади: SiO +2H⁺=H₂SiO₃. Cиликат кислота икки хил Тузлар ҳосил қилади: нордон ва ўрта. Нордон тузлари
KHSiO₃-гидросиликатлар, ўрта тузлари K₂SiO₃-силикатлар деб аталади.
577. «Эрувчан шиша»нинг таркиби нимадан иборат? «Эрувчан шиша» силикат кислотанинг натрийли ва калийли тузлари саналади: Na₂SiO₃; K₂SiO₃. Улардан қоғ оз елими тайёрланади.
578. Оддий шишанинг таркиби нимадан иборат? Оддий шиша таркиби уч хил оксидлар аралашмасидан иборат: Na₂O+CaO+6SiO₂. Оддий шиша тайёрлаш учун хом-ашё сифатида сода-Na₂CO₃, оҳактош-СаСО₃ ва қум SiO₂ дан фойдаланилади.
579. Кимёвий шишанинг таркиби нимадан иборат? Кимёвий шиша таркиби уч хил оксидлар аралашмаси дан иборат: К₂O·CaO·6SiO₂. Кимёвий шиша тайёрлаш учун хом-ашё сифатида поташ-К₂CO₃, оҳактош-СаСО₃ ва қум - SiO₂ дан фойдаланилади. Кимёвий шиша оддий шишадан иссиқбардошлиги билан устун туради.Шунинг учун ундан лаборатория идишлари тайёрланади.
580. Биллур шишанинг таркиби нимадан иборат? Биллур шиша таркиби уч хил оксидлар аралашмасидан иборат: К₂O·PbO·6SiO₂. Биллур шиша нур қайтариш хусусиятига эгалиги учун ундан қандиллар ва вазалар тайёрланади.
581. Цементнинг таркиби нимадан иборат? Цемент учун асосий хом-ашё қум, оҳактош ва тупроқдир. Шунинг учун унинг таркиби СаО, Al₂O₃, SiO₂ аралашмасига жавоб беради.