Kim bo’lsam ekan

Buxoro viloyati Qorako’l tumanidagi 43-ixtisoslashtirilgan davlat umumta’lim maktabida o’tkazilgan “Kim bo’lsam ekan” nomli tadbir

BAYONNOMASI:

Qorako’l tumanidagi 43-IDU maktabida 2021-yilning 15-noyabr kuni texnologiya fani o’qituvchisi Zulfiya Atadjanova tashkillashtirgan jamiyatimizda maktabni bitirish arafasida “Kasb qanday tanlanadi?”, “O‘quvchiga necha yoshdan boshlab kasb haqidagi tushunchalarni singdirish lozim?” kabi savollar bolalarni o‘ylantiradi mavzusida tadbir bo’lib o’tdi. Tadbirni MMIBDO’ Otabek Niyozov ochib berdi. U o’z so’zida-

“O’quvchilarimizda kasbga bo‘lgan qiziqish ilk muloqotda boshlanadi. Masalan, ba’zilaringiz endigina maktabga kelgan kunlaringizda ustozingizning dars o‘tishi, xatti-harakatlarini kuzatasiz. O‘rniga o‘zingizni qo‘yib o‘qituvchi bo‘lishni orzu qilasiz yoki harbiy bo‘lib ishlayotgan akangizning kiyimiga havas qilib ham ana shu kasb egasi bo‘lgingiz keladi. Shu tariqa fikringiz tez-tez o‘zgarib turadi. Ammo ichki xohishlaringizga bo‘ysunib, tanlagan sohangizda bir umr mehr, ishtiyoq bilan ishlaydigan, orzuyingizdagi kasbni tanlashingiz kerak. Sababi, ota-onangiz shifokor yoki o‘qituvchi bo‘lsa, sizni ham aynan o‘z kasblarini davom ettirishingizni xohlaydi. Agar sizda bu kasbga qiziqish bo‘lmasa, uni hech qachon yaxshi egallay olmaysiz dedi.
Shundan so’ng 9-A va 9-B sinf o’quvchilari o’rtasida tadbir ochiq deb e’lon qilindi. Tadbirda o'quvch’lar o’zlari tanlagan kasblarining ahamiyati, jamiyatda tutgan o’rni haqida o’rtoqlashdilar.
Bundan tashqari tadbirda maktab bosh psixologi Zuxra Jo’rayeva o’z fikrlari bilan o’rtoqlashdi.
O’quvchi va o’qituvchilar kasb va uning ahamiyatini anglab yetish, jamiyatda o’z o’rniga ega bo’lish tushunchalarini belgilab olishni maqsad qildilar.

MMIBDO’: O.Niyozov

Bosh psixolog: Z.Jo’rayeva
Texnologiya fani o’qituvchisi: D.Rustamova
Bayonlashtiruvchi: Z.Atadjanova