Кичик гуруҳ (3-4 ёш)

Бадиий адабиёт билан таништириш. Болаларда бадиий адабиётга бўлган қизиқиш 
ва муҳаббатни янада ривожлантириш, бадиий асардаги гўзалликни, нафосатни ҳис этиш 
кўникмасини тобора кучайтириб бориш. 
Болаларнинг халқ оғзаки ижоди жанрлари, хусусан, достонга (“Рустамхон” 
достондан парча) бўлган қизиқишларини ошириш, халқ донолигининг акси бўлган мақол, 
топишмоқлардаги сўз қудратини, образли фикрларни ҳис этиб, уларда ифода этилган 
чуқур маъноларни тушуна боришларига эришиш. Ҳадисларга нисбатан ҳурматни янада 
кучайтириш. Шарқнинг буюк алломалари (“Навоийнинг дўсти”“Берунийнинг дам олиш 
кунлари”ривоят) ҳақидаги билимларини кенгайтириш. 
Болалар насрий асарларда акс эттирилаётган воқеа-ҳодисалар моҳиятига чуқурроқ 
тушунишларига, қаҳрамонлар руҳий ҳолатларидаги ўзгаришларни (З.Иброҳимова “Уйқу 
хафа бўлди”, О.Бегали “Раҳмдилнинг дарахти”) ҳис этишларига, асарда рўй берадиган 
айрим нохуш воқеалар(Ф.Мусажонов “Энди ҳеч ким зерикмайди”, З.Иброҳимова 
“Мардона”), ножўя харакатлар (Ф.Мусажонов “Қўшоқвойнинг ҳиммати”, Т.Ғойибов 
“Алдоқчи ҳакка”,”Тулкивой” ўзбек халқ эртаги), тўқнашувлар (М.Муродов “Энг 
қимматли нарса”)нинг сабаб ва оқибатлари ҳақида фикрлаб, мустақил хулосалар 
чиқаришларига алоҳида аҳамият бериш. Қаҳрамонлик тасаввурларини шакллантириш 
(И.Арабшох “Амир Темурнинг Жайхундан шошилинч ўтиши”, “Уч оғайни ботирлар” 
(ўзбек халқ эртаги), ботирлик, жасурлик каби хислатларни тарбиялаш. Болалар насрий 
асар мазмунини сўзлаб бераётганларида, нутқларида бадиий тасвир воситаларидан 
ижодий фойдаланиш, фикрларини равон, эркин баён этиш кўникмаларини, бадиий асар 
шакли ҳақидаги тушунчаларини (шеър, ҳикоя, эртак) мустаҳкамлаш. Шеърни 
(Н.Нарзуллаев “Ўлкам”, П.Мўмин “Ватан–бу”, О.Абдураҳмон “Уста”, М.Аъзам “Ер 
айланади”, Ҳ.Раҳмат “Қадрдоним баҳор”, Р.Файз “Момоқаймоқ”,Т.Убайдулло “Инсон 
бешиги” в.б.) ифодали айтиш йўлларини яна ҳам пухтароқ ўргатиш.