Кичик гуруҳ (3-4 ёш)

Ташлаш, илиб олиш ва ирғитиш машқлари. Коптокни юқорига ерга ташлаш ва уни 
камида 10 марта икки қўл билан илиб олиш, бир қўл билан камида 10 марта ташлаш ва илиб 
олиш, худди шу машқнинг ўзини чапак чалиб айланиб ва бошқача усуллар билан бажариш 
худди шунинг ўзини коптокни бир қўлдан иккинчи қўлга олиб полга уриб бажариш. 
Коптокни бир бирига пастдан, бошидан ошириб ирғитиш. 
Эмаклаб юриш ва тирмашиб чиқиш машқлари. Эмаклаб юриш гимнастика 
ўриндиғи бўйлаб қоринда ва елка билан ётиб қўлларга таяниб ва оёқларни итариб хона 
бўйлаб эмаклаб юриш, гимнастика ўриндиғи устидан қатор қилиб қўйилган тўсиқлар ичидан 
эмаклаш. Гимнастика деворининг бир зинапоясидан иккинчи зинапоясига диагонал бўйича 
ўтиш. Нарвонга чиқиб тушиш, тезликни ўзгартириш, тирмашиб чиқишнинг бир хил номли ва 
кўп номли усулларидан фойдаланиб тезликни ўзгартириш, ҳаракатлар координациясини 
сақлаш, арқон нарвончадан, арқон бўйлаб ўрмалаб чиқиш, арқонга оёқ товонлари билан 
тирмашиб олиб чиқиш (арқон учини тарбиячи ушлаб туради); арқонни товонлар билан ўраб 
олиш, оёқларни тўғирлаш,шу вақтда қўлларни букиш, арқонни қўллар билан то у 
тўғирлангунча ушлаб олиш, арқонга имкони борчи юқорироқ тирмашиб чиқиш
Мувозанатни сақлаш машқлари. Гимнастика ўриндиғи бўйлаб оёқларни ёни билан 
қўйиб ёнлаб, қум солинган қопчани орқалаб, бир оёқ билан ўтириб иккинчисини эса 
ўриндиқнинг ёнидан олдинга ўтказиб; тўғри оёқни кўтариб ва унинг тагида қарсак чалиб 
ўтиш. Гимнастика ўриндиғи бўйлаб юриш, ўртага келганда тўхташ ва таёқчанинг устидан 
хатлаб ўтиш. Гимнастика ўриндиғи бўйлаб тўғри ва ён томон билан ўтиш. Оёқлар учида 
туриш, берилган сигнал бўйича кўзларни юмиб бир оёқ учида туриш, куб, гимнастика 
ўриндиғи устида туриб худди ўшандай қилиш, қўлларни юқорига кўтарган ҳолда 
қимирлатиб, орқага айланиш. Катта тўлдирма тўп устида мувозанатни сақлаб туриш,
кўзларни юмиб айланиш, тўхташ, берилган ҳолатни эгаллаш.