Кичик гуруҳ (3-4 ёш)

Қоғоз, 
табиий 
ва 
чиқинди 
маҳсулотлардан 
конструкциялаш. 
Кичик 
композицияларга бирлаштириб, қоғоз цилиндрлардан турли фигуралар тайёрлашга ўргатиш 
(қизча ва кучукча, бола ва жўжалар). 
Диаметрига кўра доира ҳосил қилиш, конусларни елимлаш ва контурга қараб қирқиш 
(парашют). 
Бадиий қўл меҳнати. Қоғоз, табиий материаллар (мева, уруғ) ва чиқинди материаллар 
(ғалтак, бўш қутилар, поролон, пўкак кабилар)ни тежаб ишлашга ўргатиш (варақни тўртга 
буклаш, тайёр андоза бўйича ишлаш – дўппи, пешбанд, ҳамён), катта ҳажмли фигуралар 
ясаш – букланган жойини текислаш, букланган жойидан кесиш - уй, кубик), қоғоз, табиий 
материаллар ва чиқиндиларни елим ёрдамида бир-бирига қаттиқ ёпиштириш усулидан 
фойдаланган ҳолда, бирор нарса ясаб, ҳосил қилинган фигурани тагликка мустаҳкамлаш. 
Фантазия, ижодий тасаввурни ривожлантириш, бадиий дид, батартиблик, 
маҳсулотларни эстетик жиҳатдан баҳолаш кўникмаларини шакллантириш. 
Ўқув йили охирида бола: 
- предметнинг ўзига қараб ва тасаввурларига асосланиб, нарсалар яратиш, табиат 
ҳодисалари, бадиий асар воқеалари, тасвирий восита ва технологияларни 
қўллаш; 
- ифодали тимсоллар яратиш учун турли ранг ва бўрттириб кўрсатадиган 
сояларни қўллаш; 
- тасвирни варақда тўлиқ, бор бўйича акс эттириш; 
- халқ амалий-безак санъатига асосланиб, нақш ва композициялар яратишда турли 
усул ва воситалардан фойдаланиш, амалий безак санъатининг табиатига мос 
рангларни танлаш; 
- турли усулларидан фойдаланиб ҳар хил шаклдаги нарсаларни ясашни; 
- ўзаро уйғунлик, ҳолат ва ҳаракатни акс эттирган ҳолда, унчалик катта мураккаб 
бўлмаган сюжет композицияларни яратиш; 
- ўзбек халқ усталари томонидан яратилган миллий ўйинчоқлар ва сопол буюмлар 
яратиш анъанасига мувофиқ турли нарсалар ясаш; 
- қирқишнинг турли усулларини қўллаб (симметрик янги усуллар, икки марта қат-
қат қилиб буклаш, узилмалар ва силуэтлар (контур суратлар) кесишнинг янги 
усуллари, кесиш ва узиш усулларини биргаликда қўллаш), турли нарсалар ва 
мураккаб бўлмаган сюжетларни ифодалаш; 

---

96 
- шахсий қурилишларини амалга оширишни режалаштириш босқичлари бўйича 
конструктив ечимлар топиш; 
- қурилишни амалга оширишда чизма, фотография, расм кабилардан фойдаланиш, 
зарур қурилиш материлларини қўллаш; 
- қурилиш намуналарини таҳлил этиш; 
- қоғозни турли йўналишда букиш, тахлаш, тайёр чизма, андоза билан ишлаш, 
оригами усулидан фойдаланиш; 
- қайчидан тўғри фойдаланиш; 
- табиий ва чиқинди материаллардан ўйинчоқлар ясаш.