Кичик гуруҳ (3-4 ёш)

Боғланишли нутқни шакллантириш. Болаларни суҳбат пайтида фаол иштирок 
этишга ундаш, мавзу бўйича берилган саволларга тушуниб, қисқа ва тўлиқ жавоб бериш 
ўртоқларининг бераётган жавобларига эътибор бериш малакасини такомиллаштириш.
Қайта ҳикоя қилишни ўргатаётганда болалар диққатини, айниқса, эртакнинг 
бошланиши, такрорланиши, хулоса қисмига, ҳикоялардаги икки қаҳрамоннинг ўзаро нутқи 
кабиларга қаратиш. 
Болалар асар воқеаларини сўзлаётганда овоз оҳангининг хилма-хил турини (сўроқ, ҳис-
ҳаяжон, хайратланиш, илтимос) кабиларни қўллай билишларига эришиш. 
Болаларга ўйинчоқлар ва буюмлар ҳақида ҳикоя тузишни ўргатаётганда ўйинчоқларни 
таърифлаб беришга, ўйинчоқларнинг ўзига хос хусусиятларини кўрсатувчи белгиларини (ранги, 
шакли, қандай ўйналиши ва бошқалар) аниқ сўзлар орқали ифодалашга ўргатиш. 
Ижодий ҳикоя қилиш. Болаларни тарбиячи томонидан айтилган ҳикоя ёки эртакни 
ниҳоясига етказишга, жумлаларни қисқа, лўнда тузишга, тасвирий воситалардан фойдаланишга 
ўргатиш. 
Болаларни шахсий тажрибалари асосида, тарбиячи таклиф этган ҳаётий мавзулар бўйича 
мантиқий ривожланиб борувчи ҳикоя ёки эртак тузиш қобилиятларини ривожлантириш: “Куз”, 

---

110 
“Меҳмонда”, “Дўконда”, “Ҳайвонот боғида”, “Ўжар жўжа”, “Қиш”, “Қишда қушларнинг ҳаёти”, 
“Автобусда”, “Баҳор”, “Аҳмаджон кучукчани қандай топиб олди?”, ва бошқалар. 
Болаларга қаҳрамонларнинг руҳий кечинмаларини таъсирчан бера билишга ўргатиш. “Қиш”, 
“Биринчи қор”, “Янги йил байрами”, “Қорбобо”, “Энг яхши фасл”, “Мен онамга ёрдамчи”, “Мен 
отамга ёрдамчи”, “Онамларнинг байрами”, “Мен Наврўз байрамини қандай ўтказдим?”,
Болаларга мазмунли расмларда акс эттирилган воқеаларни изчил баён қилишни, 
қаҳрамонларнинг хатти - ҳаракатларига нисбатан ўз муносабатларини билдириш, ҳикояни мантиқли 
тугаллашни, топишмоқлар ўйлаб топишни ўргатиш. 
Болаларни таққослаш усулидан фойдаланиб топишмоқлар ўйлаб топишга ўргатиш.