Кичик гуруҳ (3-4 ёш)

Болалар чолғу асбоблари билан таништириш. Болани шовқинли 
чолғулар (қўнғироқча, шиқилдоқча, доирача) билан таништириш ва

---

75 
товушларнинг тембри, баландлиги ва регистрига кўра фарқлаш ҳақида илк 
тушунча бериш. Чолғуларда мусиқа ижро этиш, ҳар бир мусиқанинг ўз 
нотаси мавжудлиги тўғрисида қизиқарли ҳикоячалар сўзлаб бериш, чолғу 
асбобларини қўлига олиб диққат билан кўришига имкон бериш, мусиқа 
асбобининг овозига тақлид қилишини рағбатлантириш.
Доирача, шиқилдоқча, қўнғироқчаларда қўшиқ (Ўзбек халқ куйи 
“Қуёним”) ва рақс ижро этишда катталар ёрдамидан фойдаланиш. 
Турли мусиқий фаолиятларда болалар чолғу асбобларини қўллаш. 
Катталарнинг металлофон, учбурчак каби чолғу асбобларида ижро этилган 
(ихтиёрий) куйлардан баҳраманд қилиш.
Мусиқий таълимий ўйин. Кичкинтойлар дунёсига мос, тушунарли, 
қизиқарли мусиқали воқеабанд ўйинлар ташкил қилиш. Ўйин ёрдамида 
боланинг мусиқага иштиёқини ошириш, тасаввур, тафаккур доирасини 
кенгайтириш, нутқини ривожлантириш; мустақил равишда қўшиқ айтиши 
мумкин бўлган ўйинлар ташкиллаштириш; болалар чолғу асбобларидан ва 
мусиқали ўйинчоқлардан фойдаланиш, баланд ва паст мусиқа садоларига 
эътибор бериш ва оҳангга мос ҳаракатланишга ўргатиш.
Мусиқий фаолиятларда олган билимларини таълимий ўйин давомида 
аниқлаш ва мустаҳкамлаб бориш (“Айиқчалар рақси”, “Чори-чамбар”, 
“Чапак чалиш”, “Қалдирғоч”). Болада зийраклик ва хотирани 
ривожлантирувчи “Қайси чолғу яширинган?”; тасаввур ва сенсор 
қобилиятини ривожлантирувчи “Сеҳрли қопча”; товуш баландлиги ва 
тембрни фарқлашга ўргатувчи “Қуш ва қушчалар”, “Ўрмонда”; 
мусиқанинг темпини фарқлашга ўргатувчи “Юрамиз, югурамиз”, 
“Ўйинчоғим” каби мусиқий таълимий ўйинларни машғулот давомида ва 
мустақил фаолиятларда гуруҳ хоналаридаги мусиқа бурчакларида ташкил 
этиш.