Кичик гуруҳ (3-4 ёш)

 
Ижтимоий-ҳиссий ривожланиш 
(4-5 ёш) 
Ижтимоий ривожланиш. Катталар билан мулоқот. Болани 
катталар билан мулоқот қилишга, ўз фикрини катталарга баён этиш, ўз 
хоҳишини сўзлар билан ифодалаш, катталардан сўз орқали ёрдам сўрашга 
ўргатиш. 
Оила аъзоларига нисбатан меҳрли муносабатда бўлиш, уларнинг 
илтимосларини бажаришга интилиш, кимни яхши кўриши, нимани яхши 
кўрмаслиги, ўз оиласи ва танишлари тўғрисида ҳикоя қилиб беришини 
рағбатлантириш. 
Катталар билан ўйнаш малакасини шакллантириш, катталарга 
миннатдорчилик билдириш, ўзини қизиқтирган саволлар билан мурожаат 
қилиш, мулоқот вақтида ўз фикрини баён қилиш, оғзаки кўрсатма орқали 
катталарнинг топшириқларини бажариш, катталар билан бўладиган 
самимий мулоқотдан мамнун бўлиш.
Жамоат жойларида, транспорт воситаларида ўзини тута билиш, одоб 
билан саломлашиш ва хайрлашиш, ўзидан катталарга “Сиз”, Ака”, “Опа” 
деб мурожаат қилишга, “Марҳамат”, “Илтимос” каби илтифотли сўзлардан 
фойдаланишга ўргатиш. 
Катталарнинг гапини тинглаш, мулоқот вақтида нарса ва ҳодисалар 
ўртасидаги боғлиқликни кўрсатиш, катталарнинг ҳикояларига нисбатан 
қизиқиш уйғотиш. 
Катталар бола билан мулоқотни барча фаолиятлар (турли ўйинлар, 
қоғоз ёки турли жиҳозлардан нарсалар, ўйинчоқлар ясаш ва улар билан 
тажриба ўтказиш)да олиб бориши, мулоқот қилаётганда, боланинг 
шахсини ҳурмат қилиши, ҳиссиётларини тушуниши жуда муҳим. 
Тенгдошлари билан мулоқот. Болада тенгдошлари билан ўзаро 
самимий, дўстона мулоқотга киришиш, биргаликда ўйнашга интилиш 
малакасини шакллантириш. Тенгдошлари билан саломлашиш ва хайрлаша 
олиш, уларни исми билан чақириш, маълумотлар билан ўртоқлашишга 
интилишини рағбатлантириш.
Кўрсатилган ёрдамга, тенгдошидан совға олганида миннатдорчилик 
билдиришини, ўртоғининг илтимосини қабул қилиш, бошқаларнинг 
сўзларини диққат билан тинглаш, ўзининг норозилигини бошқаларни хафа 
қилмасдан ифодалашга интилишини қўллаб-қувватлаш. 
Тортинчоқ, камгап болани тенгдошлари билан кўпроқ мулоқот 
қилишга жалб этиш, ўртоқлари билан мулоқотда ўз фикрини эркин 
билдиришга ўргатиш. 
Ўйин вақтида ҳамкорлик қилиш, ролларни тақсимлаш ва ўйин 
мазмуни юзасидан келишиш, саҳналаштирувчи ўйинларда ижро қилаётган 
ролини сўз билан ифодалаш кўникмаларини ривожлантириш.