Кичик гуруҳ (3-4 ёш)

Бола ўз танасининг қисмларини ва гигиенани ўрганади. Болани 
соғлом турмуш тарзига (қўлни ва тишни ювишга, озода юришга) 
одатлантириб бориш. 
Болани тана аъзоларининг номларини (бош, қош, кўз, бурун, оғиз, 
тиш, қулоқ, қўл ва оёқлар) айтиш ва уларни кўрсатишга ундаш. Инсон 
ҳаётида ҳар бир тана аъзосининг вазифаси ва аҳамияти ҳақида 
(Қулоқларимиз эшитади. Кўзларимиз кўради в.б.) илк тушунча бериш.  
Катталар ва болаларни бир-биридан фарқлашга ўргатиш.  

---

46 
Ўқув йили охирида бола: 
- гуруҳ хоналарининг номи ва вазифасини билади; 
- оила аъзоларининг аталишини фарқлайди; 
- тарбиячи ва энага меҳнатини қадрлашга одатланади; 
- яқин атрофидаги унга маълум бўлган буюмларнинг (ўйинчоқлар, 
идишлар, кийимлар, пойабзал) номларини айтади; 
- инсоннинг асосий тана аъзоларининг вазифалари (қулоқлар 
эшитиши, кўзлар кўриши)ни билади, ўз тана аъзоларини тўғри 
кўрсатади; 
- катталар ва болаларни бир-биридан фарқлайди. 
 
Табиат билан таништириш 
(2-3 ёш) 
Жонсиз табиат. Болада қуёш ва ой ҳақида тасаввур ҳосил қилиш. 
Уларга кун ва тунни ажрата олишни, кун ва тун сўзларини нутқда тўғри 
қўллашга ўргатиш асосида табиат ҳодисалари ҳақида тасаввурларини 
шакллантириш. 
Бола билан йил фасллари алмашиши ва об-ҳаводаги айрим 
ўзгаришлар (ёмғир, қор ёғиши, қуёш чарақлаб туриши, булутли ва 
булутсиз осмон)ни кузатиш. Мактабгача таълим муассасаси ер 
майдончасида: куз фаслида ранг-баранг, чиройли барглар йиғиш, қишда 
дарахтлардаги, йўлкадаги оппоқ қорни, баҳорда гуллаган дарахтларни, 
ёзда мевали дарахтларни кузатиш; қорнинг ўзига хос хусусиятлари ҳақида 
тушунча бериш (қор – оппоқ, юмшоқ, совуқ, иссиқда эриб, сувга айланади).