Кичик гуруҳ (3-4 ёш)

Қоматни тўғри тутиш. Бадантарбия ва машғулотларга қоматни
тўғри шакллантирадиган, ясситовонликнинг олдини оладиган машқларни 
киритиш (катталар билан биргаликда). Қоматни мустақил назорат қилиб 
юриш қоидаларига риоя қилиш: орқа билан деворга суяниб, тик туриш, 
деворга елкани теккизиб туриш, юришда ана шундай ҳолатни сақлаш. 
Маданий-гигиеник кўникмаларни ривожлантириш. Болага 
шахсий ва жамоа гигиенаси қоидаларини тушунтиришда давом этиш, 
соғлом турмуш тарзи бўйича қизиқарли суҳбатлар ўтказиш; гавдасини 
тўғри тутишини кузатиш; гигиена ва этика мавзуларида саҳна 
кўринишларини ташкил этишга кўмаклашиш; инфекциялар нима ва улар 
қандай йўллар билан юқишини; нима учун болаликданоқ соғлиқни сақлаш 
муҳимлигини тушунтириш, номаъқул хатти-ҳаракатларнинг (сигарет 
чекиш, спиртли ичимлик истеъмол қилиш) зарари ҳақида сўзлаб бериш; 
болага ўйинчоқларни йиғиши ва тозалаши, уйқуга тайёрланишига ёрдам 
бериш, боланинг мустақил равишда овқатланиши, овқатланиб бўлгандан 
сўнг стол устидаги идиш-товоқларни йиғиштиришини рағбатлантириш. 
Батартиблик, ҳамиша чиройли кўринишга эга бўлиш иштиёқини 
тарбиялашда давом этиш; кийимларни тартибли равишда ечиб, уларни 
жойига осиб қўйиш; ўнг ва чап оёқ пойабзалларини фарқлай билиш, 
уларни тўғри кийиш; ўзининг ташқи кўринишидаги тартибсизликни 
сезиши ва мустақил бартараф қилиши; ўртоғининг кийимидаги камчилик 
ва тартибсизликларни пайқаса бу ҳақида одоб билан айтишга ўргатиш; 

---

115 
дастрўмолдан тўғри фойдалана олиши; шахсий буюмларини ювишни ва 
тугма қадашни билиши, ўйнаб бўлгандан сўнг ўйинчоқларни ҳамда спорт 
инвентарларини (коптокни, велосипедни в.б.) жойига олиб қўйиш, уларни 
эҳтиётлаш ва тоза сақлашга одатлантириш. 
Шахсий гигиена: 
- мустақил 
равишда ҳожатхонадан фойдаланиш ва гигиена 
қоидаларига амал қилиш; 
- қўлларни овқатланишдан олдин, ҳожатхонага боргандан кейин ва 
ифлосланганда ювиш; 
- ичакларни ва қовуқни ўз вақтида бўшатиб, ҳожатхонадан батартиб 
равишда фойдаланиш;
- кун давомида танаси тозалиги, кийимлари, сочлари, уст-боши 
озодалигини кузатиб туриш; 
- қўл, оёқ ва бадан учун фойдаланиладиган сочиқларни фарқлашга 
одатлантириш; 
- тирноқларни тишламаслик, қалам ва бошқа буюмларни оғзига 
солмаслик; 
- бармоқлар, тил, соч толаларини сўрмаслик; 
- бурунни тоза сақлашга одатлантириш;
- фақат индивидуал (ўзининг) тароғидан, сочиғидан, дастрўмолчасидан 
фойдаланишга одатлантириш; 
- мустақил равишда хонасини йиғиштириш ва ўйинчоқларини ўз 
жойига териб қўйиш; 
- биринчи тиббий ёрдам кўрсатиш ҳақида тасаввурга эга бўлиш.