Кичик бизнес ва тадбиркорлик фаолиятида маркетинг ва товарларни сотиш

Маълумот бериш рекламаси — товарлар ва хизматларни бозорга кириш жараёнида маълумотлар билан таъминлашга қаратилган бўлиб истеъмолчиларда товарлар ва хизматларнинг арзийдиган, муносиб эканлигига ишонч ва дастлабки эҳтиёжини шакллантиришга йўналтирилган;

Эсга солиш рекламаси — истеъмолчининг товарга бўлган ишончини мақсадга мувофиқ эканлигига йўналтирилган бўлиб, товарнинг етилган ъаёт цикли (босқичи) даврида эришилган бозордаги позициясини сақлаб қолиш мақсадида амалга оширилади;

Виждонсиз ёки инсофсиз реклама — истеъмолчиларнинг товарлар сифати ва хизматларга ишончсизлигини уйғотиш, хуқуқий ва жисмоний шахсларнинг обрўсини тўкиш, реклама қилинаётган товарларни рақобатчилар товарлари билан одобсизларча таққослаш, шунингдек, тадбиркорларнинг ҳаёт тарзи, шон-шарафи, шуҳратига доғ тушириш тўғрисидаги уринишлардан иборат. Ўзбекистон ҳудудида бундай реклама олиб бориш қонун йўли билан таъқиқланган;

Ишончсиз реклама — товарларнинг тавсифи, сифати, вазифаси, истеъмол хусусиятлари, кафолати ва бошқаларни хақиқатга мос келмаслигидан иборат.

Мустаҳкамловчи реклама — истеъмолчи танлаган йўл тўғрилигига ишонтиришга қаратилган йўл. Рекламанинг бу шакли товарнинг етилган босқичида ва бозордан кетиш жараёнида амалга ошириладики, бунда бозорда эгалланган позицияларни ва фирма имиджини сақлаб қолиш кўзланади;

Қиёсий (таққослаш) реклама. Товарнинг бир тури хусусиятларини унинг бошқа бир товар турларига нисбатан устунлигини тарғибот қилишдир.

Кўндирувчи ёки унатувчи реклама. Истеъмолчининг товарни, хизматларни албатта сотиб олишига йўналтирилган бўлиб, товарлар ҳаёт циклини етилган босқичида истеъмолчилар эътиёжларини товар, хизматларга қаратиш мақсадларида амалга оширилади.