Кичик бизнес ва тадбиркорлик асослари

Олий таълим муассааларида “Кичик бизнес ва тадбиркорлик асослари” фанини ўқитиш бўйича
АСОСНОМА
Ҳозирги кунда кичик бизнес ва хусусий тадбиркорликни ривожлантириш мамлакатимиз иқтисодиётининг устувор йўналиши этиб белгиланган. Сўнгги беш йилда бу соҳани ривожлантиришга қаратилган 2 мингга яқин Қонун, Фармон ва Қарорлар қабул қилинган.
Шу боис талабаларга “Кичик бизнес ва тадбиркорлик асослари” фанини ўқитиш муҳим аҳамият касб этади. “Кичик бизнес ва тадбиркорлик асослари” фанини ўқитиш натижасида талабалар:

• 
  кичик бизнес ва тадбиркорликнинг моҳияти ва мазмуни;
  
• 
  тадбиркорлик фаолияти турлари ва шакллари;
  
• 
  кичик бизнес ва тадбиркорлик субъектларини ташкил этиш ва давлат рўйҳатидан ўтказиш тартиби;
  
• 
  кичик бизнес ва тадбиркорлик корхоналарига лицензия бериш тартиби;
  
• 
  кичик бизнес ва тадбиркорлик субъектларини бошқариш усуллари;
  
• 
  кичик бизнес ва тадбиркорлик фаолятини режалаштиришни, яъни бизнес режа ишлаб чиқиш;
  
• 
  кичик бизнес ва тадбиркорлик фаолиятини иқтисодий таҳлил қилиш асослари;
  
• 
  кичик бизнес ва тадбиркорлик фаолиятида ишлаб чиқариш харажатлари ва маҳсулот таннархини ҳисоблаш усуллари;
  
• 
  банкларда ҳисоб рақами очиш;
  
• 
  кичик бизнес ва тадбиркорлик фаолиятини кредит билан таъминлаш шакллари;
  
• 
  солиқ инспекциясидан рўйҳатдан ўтказиш;
  
• 
  кичик бизнес ва тадбиркорлик субъектларини солиққа тортиш, улардан олинадиган солиқ турлари ва солиқ имтиёзлари;
  
• 
  кичик бизнес ва тадбиркорлик субъектларида аудит ва аудиторлик тафтишлари ўтказиш;
  
• 
  кичик бизнес ва тадбиркорлик субъектларини ахборот билан таъминлашни ташкил этиш;
  
• 
  кичик бизнес ва тадбиркорлик субъектларининг экспорт салоҳиятини ошириш;
  
• 
  кичик бизнес ва тадбиркорлик субъектларига хизмат кўрсатувчи бозор инфратузилмаларини ривожлантириш;
  
• 
  тадбиркорлик этикаси ва маданияти;
  
• 
  истиқболда кичик бизнес ва тадбиркорликни ривожлантиришнинг асосий йўналишлари бўйича билим ва куникмага эга бўладилар.
  

Дунёнинг етакчи олий таълим муассасалари тажрибаларидан келиб чиқиб, талабаларга тадбиркорлик фаолиятини ҳар томонлама ўргатиш мақсадида “Маркетинг”, “Кичик бизнес ва тадбиркорлик” ва “Бизнесни режалаштириш” фанларини ўқитиш мақсадга мувофиқдир.