Kiber sport o'zbekiston hududida kiber sport musobaqalari

TASHKILOTNING MAQSAD VA VAZIFALARI

• Tashkilot faoliyatining asosiy maqsadi O'zbekiston Respublikasi hududida “KIBER FUTBOL”ni ommalashtirish, “KIBER FUTBOL” virtual sport turini rivojlantirish, shuningdek virtual sport tadbirlarini, virtual sport musobaqalarini o'tkazishni tashkil etish hamda jismoniy shaxslarni kiber sport turi bo'yicha musobaqalarga tayyorlashdan iborat.   Tashkilot o'z maqsadiga erishish uchun quyidagi vazifalarni amalga oshiradi: - “KIBER FUTBOL” bo'yicha hududiy, milliy va xalqaro sport musobaqalarini tashkil etadi va o'tkazadi; - Tashkilotning “KIBER FUTBOL” bo'yicha sport musobaqalarini tashkil etish, o'tkazish va ularda ishtirok etishga doir talablar, tartib va shartlar belgilanadigan qoidalar, nizomlarni (reglamentlarni) ishlab chiqadi va ega bo'ladi; - O'zbekiston Respublikasida “KIBER FUTBOL”ni rivojlantirish va ommaviylashtirish bo'yicha dasturlar ishlab chiqadi va amalga oshirishga ko'maklashadi; - O'zbekiston Respublikasida aholining kompyuter sporti turlariga bo'lgan extiyojini qondiradi, virtual sport turlarining ijobiy taraflarini tushuntiradi va targ'ib etadi; - O'zbekiston Respublikasi hududida “KIBER FUTBOL” bo'yicha sport markazlari, klublar, uyushmalar, jamoalar, maktablar va x.k.larni tashkil etishda ko'maklashadi, shuningdek ularga uslubiy va amaliy yordam ko'rsatadi; - O'zbekiston Respublikasi qonun hujjatlari va tashkilotning ustavga muvofiq tegishli jismoniy shaxslar orqali “KIBER FUTBOL” bo'yicha tashkil etiladigan xalqaro va respublikadan tashqarida o'tkaziladigan sport musobaqalarida O'zbekiston Respublikasidagi tashkilot azolarining nomidan qatnashadi; - ommaviy axborot vositalari orqali Tashkilotning faoliyati haqida targ'ibot ishlarini olib boradi; - yuqorida qayd qilinmagan, ammo ularni to'ldiruvchi va kengaytiruvchi faoliyat turlari bilan shug'ullanadi.